DIPESALEME 129

“Ba sa le ba mpitlaganya gantsintsi

go tswa bokaung jwa me” –

a Baiseraele ba bue jalo ba re:

₂“Ba sa le ba mpitlaganya gantsintsi

go tswa bokaung jwa me,

mme ga ba a ka ba mphenya.

₃Balemi ba lemile

mo mokokotlong wa me;

ba leelefatsa mesele ya bona

ya mogoma.

₄Morena o siame;

o kgaotse dikgole tsa baikepi.”

₅A ba tlhajwe ke ditlhong,

ba kate ka morago bona botlhe

ba ba tlhoileng Sione.

₆A ba nne jaaka bojang

jo bo tlhogang

mo godimo ga ntlo,

jo bo omelelang

bo ise bo kumolwe,

₇jo mosegi o sa bo tlatseng seatla,

le e seng yo o bofang dingata

go bo tlatsa letsogo;

₈fa bafeti ba sa ka keng ba bua teng

ba re:

“A tshegofatso ya Morena

e nne le lona,

re lo tshegofatsa

ka leina la Morena.”