DIPESALEME 136

₁Lebogang Morena,

gonne o molemo;

gonne bopelotlhomogi jwa gagwe

ke jo bo sa khutleng.

₂Lebogang Modimo wa medimo;

gonne bopelotlhomogi jwa ona

ke jo bo sa khutleng.

₃Lebogang Morena wa barena;

gonne bopelothomogi jwa gagwe

ke jo bo sa khutleng.

₄Ena yo o dirang

dikgakgamatso tse dikgolo a le esi;

gonne bopelotlhomogi jwa gagwe

ke jo bo sa khutleng.

₅Yo o dirileng legodimo ka botlhale;

gonne bopelothomogi jwa gagwe

ke jo bo sa khutleng.

₆Yo o ngamotseng lefatshe

godimo ga metsi;

gonne bopelotlhomogi jwa gagwe

ke jo bo sa khutleng.

₇Yo o dirileng masedi a magolo;

gonne bopelotlhomogi jwa gagwe

ke jo bo sa khutleng.

₈Letsatsi go laola motshegare;

gonne bopelotlhomogi jwa gagwe

ke jo bo sa khutleng.

₉Ngwedi le dinaledi go laola bosigo;

gonne bopelothomogi jwa gagwe

ke jo bo sa khutleng.

₁₀Yo o iteileng Baegepeto

ka go bolaya maitibolo a bona;

gonne bopelotlhomogi jwa gagwe

ke jo bo sa khutleng.

₁₁A ntsha Iseraele mo gare ga bona;

gonne bopelotlhomogi jwa gagwe

ke jo bo sa khutleng;

₁₂ka seatla se se thata le ka letsogo

le le otlologileng;

gonne bopelotlhomogi jwa gagwe

ke jo bo sa khutleng.

₁₃Yo o kgaogantseng

Lewatle le Lehibidu ka bogare;

gonne bopelotlhomogi jwa gagwe

ke jo bo sa khutleng.

₁₄A tshedisa Iseraele fa gare ga lone;

gonne bopelotlhomogi jwa gagwe

ke jo bo sa khutleng.

₁₅Mme a digela Farao

le mephato ya gagwe

mo Lewatleng le Lehibidu;

gonne bopelotlhomogi jwa gagwe

ke jo bo sa khutleng.

₁₆Yo o ne a ralatsa batho ba gagwe

dikaka;

gonne bopelotlhomogi jwa gagwe

ke jo bo sa khutleng.

₁₇Yo o fentseng dikgosi tse dikgolo;

gonne bopelotlhomogi jwa gagwe

ke jo bo sa khutleng.

₁₈A bolaya dikgosi tse di tumileng;

gonne bopelotlhomogi jwa gagwe

ke jo bo sa khutleng.

₁₉Sihone, kgosi ya Baamori;

gonne bopelotlhomogi jwa gagwe

ke jo bo sa khutleng;

₂₀le Oge, kgosi ya Basane;

gonne bopelotlhomogi jwa gagwe

ke jo bo sa khutleng.

₂₁Mme a aba lefatshe la bona

go nna boswa;

gonne bopelotlhomogi jwa gagwe

ke jo bo sa khutleng;

₂₂go nna boswa jwa ga Iseraele,

motlhanka wa gagwe;

gonne bopelotlhomogi jwa gagwe

ke jo bo sa khutleng.

₂₃Yo o re gopotseng mo bobotlaneng

jwa rona;

gonne bopelotlhomogi jwa gagwe

ke jo bo sa khutleng.

₂₄A re swatola

mo go ba ba re pitlagantseng;

gonne bopelotlhomogi jwa gagwe

ke jo bo sa khutleng.

₂₅Yo o fang ditshedi tsotlhe dijo;

gonne bopelotlhomogi jwa gagwe

ke jo bo sa khutleng.

₂₆Lebogang Modimo wa magodimo;

gonne bopelotlhomogi jwa ona

ke jo bo sa khutleng.