1 DITIRAFALO 3

₁Bomorwa Dafita ba o neng a ba belegelwa kwa Heberone e ne e le ba: Wa ntlha e le Amenone wa ga Ahinoame mosadi wa kwa Iserele; wa bobedi e le Daniele wa ga Abikaile mosadi wa kwa Karemele; ₂wa boraro e le Abesalomo morwa Maaga morwadia Thalemai kgosi ya Kesure; wa bone e le Atonia morwa Hagithe; ₃wa botlhano e le Sefatya wa ga Abitale; wa borataro e le Ithereame wa ga Egela mosadi wa gagwe. ₄A belegelwa ba barataro kwa Heberone. Kana o ne a busa teng dinyaga di supa le dikgwedi di le thataro; mme kwa Jerusalema a busa dinyaga di le 33. ₅Ba o neng a ba belegelwa kwa Jerusalema ke Šimea le Sobabe le Nathane le Salomo – ke ba bane ba ga Batsheba morwadia Amiele – ₆le Ibegare le Elisama le Elifelete ₇le Noga le Nefege le Jafia ₈le Elisama le Eliata le Elifelete, ke ba robongwe. ₉Ke bone bomorwa Dafita botlhe, go sa balwe bomorwa bagadingwana, mme Thamare e le kgaitsadia-bone.

₁₀Morwa Salomo e ne e le Rehabeame, morwawe e le Abia, morwawe e le Asa, morwawe e le Josafate, ₁₁morwawe e le Jorame, morwawe e le Ahasia, morwawe e le Joase, ₁₂morwawe e le Amasia, morwawe e le Asaria, morwawe e le Jothame, ₁₃morwawe e le Ahase, morwawe e le Hesekia, morwawe e le Manase, ₁₄morwawe e le Amone, morwawe e le Josia. ₁₅Fa e le bomorwa Josia, wa ntlha e ne e le Johanane, wa bobedi e le Joyakime, wa boraro e le Setekia, wa bone e le Sadume. ₁₆Bomorwa Joyakime: Morwawe e ne e le Jegonya, morwawe e le Setekia.

₁₇Bomorwa Jegonya yo o neng a le mo botshwarong e ne e le Salathiele ₁₈le Malekirame le Phetaya le Senasare le Jekamia le Hosama le Netabja. ₁₉Bomorwa Phetaya e ne e le Serubabele le Simei; bomorwa Serubabele e le Mesulame le Hananya; – Kgaitsadia-bone e le Selomithe – ₂₀gape Hasuba le Ohele le Beregia le Hasatya le Jusabe-Hesete, ba batlhano.

₂₁Morwa Hananya e ne e le Phelatya, morwawe e le Jesaya, morwawe e le Refaya, morwawe e le Arenane, morwawe e le Obatya, morwawe e le Seganya. ₂₂Bomorwa Seganya e ne e le Semaya le Hatuse le Igale le Baria le Nearia le Safate, ba barataro. ₂₃Bomorwa Nearia e ne e le Eleyoenai le Hesekia le Aserikame, ba bararo. ₂₄Mme bomorwa Eleyoenai e ne e le Hotafia le Eliasibe le Phelaya le Akhube le Johanane le Delaya le Anani, ba supa.