1 DITIRAFALO 7

₁Bomorwa Isašare ke Thola le Phua le Jašube le Simerone, ba bane.

₂Bomorwa Thola ke Usi le Refaya le Jeriele le Jamai le Ibesame le Samuele; ke tsona ditlhogo tsa dikgoro tsa ga gabo Thola e le bagale. Ba kwadilwe lokwalong ka fa tlhomaganong ya bone. Palo ya bone mo metlheng ya ga Dafita e ne e le 22 600. ₃Morwa Usi e ne e le Iseraya; bomorwa Iseraya e le Migaele le Obatya le Joele le Isia, ba batlhano, e le ditlhogo botlhe. ₄Mme mephato ya batlhabani ba le 36 000 e ne e na nabo ka fa tlhomaganong ya malapa a bone; gonne ba ne ba na le basadi ba bantsi le bana ba bantsi. ₅Ba ga gabo Isašare ba ditshika tsotlhe tsa gagwe e ne e le batlhabani ba ba pelokgale; botlhe mmogo ba ne ba le 87 000 ka fa ba kwadilweng ka teng mo lokwalong lwa ditshika.

₆Bomorwa Benyamene e ne e le Bela le Begere le Jediaele, ba bararo.

₇Bomorwa Bela e ne e le Esebone le Usi le Usiele le Jerimothe le Iri, tlhogo tse tlhano tsa dikgoro, batlhabani ba ba pelokgale. Lokwalo lwa ditshika tsa bone lwa bala ba le 22 034.

₈Bomorwa Begere e ne e le Semira le Joase le Eliesere le Eleyoenai le Omeri le Jeremothe le Abia le Anathothe le Alemethe; botlhe bao e le bomorwa Begere. ₉Ba ne ba kwalwa lokwalong ka fa tlhomaganong ya bone e le ditlhogo tsa dikgoro le batlhabani ba ba pelokgale ba le 20 200.

₁₀Morwa Jediaele e ne e le Bilehane; bomorwa Bilehane e le Jeuse le Benyamene le Ehute le Kenaana le Sethane le Tharesise le Ahisahare. ₁₁Botlhe bao e ne e le bomorwa Jediaele e le ditlhogo tsa dikgoro le batlhabani ba ba pelokgale ba le 17 200 ba ba bololang mephatong go tlhabana. ₁₂Suphime le Huphime e ne e le bomorwa Ire; Hušime e le morwa Ahere.

₁₃Bomorwa Nafetale morwa Bileha e ne e le Jahaseele le Kuni le Jesere le Sadume.

₁₄Bomorwa Manase ke Aseriele le Magire, rraagwe Gileate, ba a ba tshotseng le mogadingwana wa gagwe wa Mosiria. ₁₅Gileate a tsaya mosadi yo leina la gagwe e leng Maaga, leina la kgaitsadie e le Hamolegethe, la morwa-rraagwe e le Selofehate. Mme Selofehate o ne a na le bomorwadi fela.

₁₆Maaga mosadi wa ga Gileate a belega morwa, a mo taya leina la Pherese, leina la monnawe e le Serese; bomorwawe e le Ulame le Rekeme. ₁₇Morwa Ulame e ne e le Betane. Ke bone bomorwa Gileate morwa Magire morwa Manase.

₁₈Kgaitsadie Hamolegethe a belega Išote le Abiesere le Magala. ₁₉Bomorwa Semita morwa Gileate e ne e le Ayane le Šegeme le Lekhi le Aniame.

₂₀Morwa Eferaime e ne e le Suthela, morwawe e le Berete, morwawe e le Thahathe, morwawe e le Eleata, morwawe e le Thahathe, ₂₁morwawe e le Sabate, bomorwawe e le Suthela le Esere le Eleate. Bao ba ne ba bolawa ke banna ba Gathe, ba e neng e le beng ba lefatshe, ka ba ne ba bolotse go ba amoga diruiwa. ₂₂Mme rraabo Eferaime a ba hutsafalela malatsi a mantsi, mme bomorwa-rraagwe ba tla go mo gomotsa. ₂₃A ba a tsena mo mosading wa gagwe, mme a nna moimana a belega morwa, mme monna a mmitsa Beria; gonne go ne go dirafaletse lelapa la gagwe jalo sebakeng sa tatlhego.

₂₄Morwadie e ne e le Seera; ene a aga Bethorone wa kwa tlase le wa kwa godimo le Usene-Seera.

₂₅Morwawe e ne e le Refa, morwawe e le Resefe, morwawe e le Thela, morwawe e le Thahane, ₂₆morwawe e le Laetane, morwawe e le Amihute, morwawe e le Elisama, ₂₇morwawe e le Nune, morwawe e le Jošua.

₂₈Boswa jwa bone le magae a bone e ne e le Bethele le metsana ya teng le Naarane kwa botlhabatsatsi le Gesere le metsana ya teng kwa bophirimatsatsi le Šegeme le metsana ya teng go ya go fitlha kwa Aya le metsana ya teng.

₂₉Magae a boora Manase e ne e le Betšheane le metsana ya teng le Thaenage le metsana ya teng le Megito le metsana ya teng le Dore le metsana ya teng. Ke gona fa go neng go agile bomorwa Josefa morwa Iseraele.

₃₀Bomorwa Asere e ne e le Imena le Iswa le Iswi le Beria le Sera, kgaitsadia-bone.

₃₁Bomorwa Beria e ne e le Hebere le Malekhiele; ke ene rraagwe Biresaithe.

₃₂Mme Hebere a tsala Jafelete le Somere le Hothame le Sua, kgaitsadia-bone.

₃₃Bomorwa Jafelete e ne e le Phasage le Bimehale le Ašefathe; ke bone bomorwa Jafelete.

₃₄Bomorwa Semere, morwa-rraagwe, e ne e le Rohaga le Huba le Arame.

₃₅Bomorwa Hothame, morwa-rraagwe, e ne e le Sofa le Imena le Selese le Amale.

₃₆Bomorwa Sofa e ne e le Sua le Harenefere le Suale le Beri le Imera ₃₇le Besere le Hote le Sama le Silesa le Itherane le Beera.

₃₈Bomorwa Jethere e ne e le Jefune le Fisepha le Ara. ₃₉Bomorwa Ula e ne e le Ara le Haniele le Risia.

₄₀Botlhe bao e ne e le boora Asere, e le ditlhogo tsa dikgoro, e le batlhabani ba ba pelokgale ba ba tlhaotsweng, e le ditlhogo tsa baeteledipele. Palo ya bone ba ba kwadilweng mo lokwalong lwa mephato mo ntweng e ne e le banna ba le 26 000.