DIPESALEME 108

₂Modimo, pelo ya me e etleetsegile;

ke rata go opela le go letsa kwadi.

Thanya, mowa wa me!

₃Tsogang harepa le katara,

ke rata go tsosa mahube.

₄Morena,

nte ke go leboge mo merafeng,

ke go leletse mo ditšhabeng.

₅Gonne bopelontle jwa gago

bo bogolo go feta legodimo;

boammaaruri jwa gago

bo fitlha kwa marung.

₆Modimo, itlhatlosetse kwa godimo

ga magodimo;

a kgalalelo ya gago

e okame lefatshe lotlhe.

₇Thusa ka letsogo le le jang la gago,

o nkutlwe gore baratwa ba gago

ba pholosiwe.

₈Modimo o ne wa bua mo Felong-ga-Boitshepo ga ona wa re:

“Ke tla ipela,

ke kgaoganya Šegeme,

ke lekanya mokgatsha wa Sukothe.

₉Gileate ke wa me,

le Manase ke wa me;

Eferaime ke phemelo

ya tlhogo ya me;

Juta ke thobane ya me ya bogosi.

₁₀Moabe ke mogopo

o ke tlhapelang mo go ona;

setlhako sa me

ke se latlhela mo go Etomo,

ke tla dudueletsa Felesita.”

₁₁Ke mang yo o tla nkisang

kwa motseng o o thata?

Ke mang yo o tla nkgogelang

kwa Etomo?

₁₂A ga se wena,

Modimo o o re latlhileng?

Ee, Modimo,

ga o bolole le mephato ya rona.

₁₃Re direle thuso ya go phologa

mo mmabeng;

gonne thuso ya batho

ga se ya sepe.

₁₄Ka Modimo re tla dira

ditiro tsa bonatla,

mme ona o tla gataka baba ba rona.