DIPESALEME 11

Ke itiketsa ka Morena;

lo ka nthaya jang lo a re:

“Tshabela kwa thabeng

jaaka nonyane?

₂Gonne bona,

baikepi ba gagamatsa bora,

ba beile metsu ya bone

mo thapong ya jona,

gore e re ba le mo fifing,

ba tle ba hule

ba ba dipelo di boammaaruri.

₃Fa metheo e thujwa,

mosiami a ka dirang?”

₄Morena o mo Tempeleng ya gagwe

e e Boitshepo,

Morena,

yo sedulo sa gagwe sa bogosi

se leng mo legodimong.

Matlho a gagwe a bona lefatshe,

dintshi tsa matlho a gagwe

di keleka bana ba batho.

₅Morena o sekaseka mosiami

le moikepi;

mowa wa gagwe

o tlhoile yo o ratang kgatelelo.

₆O tla nesetsa baikepi magala;

molelo le sebabole le ledimo

le le bolelo

ke tsona senwelo sa bona

se ba se abetsweng.

₇Gonne Morena o siame,

o rata ditiro tse di siameng.

Ba nnete

ba tla bona sefatlhego sa gagwe.