Tlhahisoleseding e Nngwe

DIPESALEME 120

₁Thapelo ya go batla go femelwa mo basotling. Sefela sa go ya Tempeleng.

Ke goetse Moreneng,

ke le mo pitlaganong,

mme a nkutlwa.

₂Morena, nkgolola mo molomong

wa maaka,

mo lolemeng lwa tsietso.

₃O tla go nayang, a go okeletsa eng,

wena, loleme lwa tsietso?

₄Metsu e e bogale ya dinatla

e e nang le magala a mohudiri!

₅A tatlhego ya me wee,

ka ke jakile mo Mesege,

ka ke agile fa ditenteng tsa Ketare!

₆E setse e le sebaka

se se fetang selekanyo

ke ntse ke agile fa go bona

ba ba tlhoileng kagiso.

₇Nna ke wa kagiso, mme fa ke bua,

bona ba batla ntwa fela.