DZIPHISALEMA 128

₁Wa mashudu ndi ane a ofha Muṋe washu,

a tshimbila nḓilani dzawe.

₂U ḓo ḽa zwe zwanḓa zwawe zwa shuma;

u na mashudu,

zwi ḓo mu nakela.

₃Musadzi wau u ḓo nga munḓirivhe wo aṋwaho muṱani wau;

vhana vhau vha ḓo nga maḓadzwane a muolivi

o mona na ḓafula.

₄Ndi one mashudu a munna a ofhaho Muṋe washu.

₅Muṋe washu u ḓo u shudufhadza e Tsioni,

wa vhona Jerusalema u tshi tondiwa

maḓuvha oṱhe a vhutshilo hau,

₆wa vhona na vhana vha vhana vhau.

Mulalo u vhe na Israele!