DZIPHISALEMA 93

₁Muṋe washu ú a vhusa,

o ambara vhugala,

Muṋe washu o fuka maanḓa,

o ḓivhofha khundu ngao.

Shango ḽo ṱoka midzi, a ḽi sudzuluswi;

₂na khuluṋoni yau ndi kale yo ima,

Iwe u wa lini na lini.

₃Muṋe washu, milambo yo bvuma,

milambo yo takusa maipfi,

milambo i bvumisa magabelo.

₄Mubvumo wa maḓi mahulu ndi muhulu;

magabelo a lwanzhe ndi mahulu vhukuma;

hone muhulusa ndi Muṋe washu a re ṱaḓulu.

₅Muṋe washu,

ndaela dzau a dzi shanduki,

vhukhethwa vhu nakisa nnḓu yau lini na lini.