DZIPHISALEMA 125

₁Vha fulufhelaho Muṋe washu

vha nga thavha ya Tsioni; a i sudzuluswi,

i ima yo khwaṱha lini na lini.

₂Jerusalema wo tangwa nga dzithavha;

na Muṋe washu u dzula o tanga vhathu vhawe,

zwino na lini na lini.

₃Vhavhi vha nga si vhuse shango

ḽe Muṋe washu a kovhela vha fulufhedzeaho,

uri na vhone vha sa ḓo longa zwanḓa zwavho vhuvhini.

₄Muṋe washu, vhavhuya ngavhe zwi tshi vha nakela,

na vha si na vhufhura!

₅Hone vho faraho nḓila dza magombikwa,

Muṋe washu u vha litsha

vha tshi kumbwa na vhaitazwivhi.

Mulalo u vhe na Israele!