Tlhahisoleseding e Nngwe

DZIPHISALEMA 70

Phisalema ya Dafita ya u humbudza Mudzimu ye a sikela malogwane.

₁Mudzimu, nndamulele!

Muṋe washu, ṱavhanya u mphalala!

₂Vhane vha ṱoḓa u mmbulaha

nga vha shone vha nyadziswe.

Vhane vha tama ndi tshi welwa nga khombo

vha hume vho shona.

₃Vhane vha tshi mmbona vha ri,

“Koṱo, koṱo!”

vha hume vho shona.

₄Ngavhe vhane vha u ṱoḓa vha tshi takala vha pembela.

Vhane vha takalela u tshidzwa nga Iwe

vha dzule vha tshi ri,

“Mudzimu ndi muhulu!”

₅A vha nṋe ndi muheḓana,

a thi na nungo.

Mudzimu, ṱavhanya u ḓa ha nṋe!

Iwe Muṋe washu, u Mutiki wanga,

u Mutshidzi wanga,

u songo vhuya wa lenga!