Eyokuqala yezikronike 13

₁WAZA u‐Davide wacebisana nenkosi zamawaka nezamakulu, kunye nenkosi zonke. ₂Wayesiti u‐Davide kuyo yonke intlanganiso yo‐Sirayeli: Ukuba kunga kulungile kuni, nokuba kuvela kuyehova, utixo wetu, masitume ngamacala onke kubazalwana betu abaseleyo kulo lonke ilizwe lakwa‐Sirayeli, nakunye nabo kubaperisite naba‐Levi abasezixekweni zenqele zabo, ukuba bazihlanganisele kuti; ₃netyeya katixo wetu masiyijikisele kuti: ngokuba singabuzanga kuyo emihleni ka‐Saule. ₄Yaza yonke intlanganiso yati iya kwenje njalo: ngokuba londawo ibifanele emehlweni abantu bonke.

₅Wandula u‐Davide wahlanganisa o‐Sirayeli bonke, kwa se‐Shihore yase‐Jipete kwada kwasekungenweni kwe‐Hamati, ukuba kubuyiswe ityeya katixo e‐Kiriyate‐yarime. ₆Wenyuka u‐Davide, no‐Sirayeli bonke, ukuya e‐Bahala, e‐Kiriyate‐yarime, eyakwa‐Juda, ukunyusa kwa kona ityeya katixo onguyehova, ohlalayo pakati kwekerubime, ogama libizwayo pezu kwayo.

₇Baza bakwelisa ityeya katixo enqwelweni entsha, besuka nayo endlwini ka‐Abinadabi: bati u‐Huza no‐Ahiyo babexesha inqwelo. ₈Bandula u‐Davide no‐Sirayeli bonke badlala ebusweni bukatixo ngamandla onke, nangamaculo, nangehadi, nangenebele, nangentambula, nangesimbali, nangamaxilongo.

₉Kwati kwakufikwa esibayeni sokubula sika‐Kidone, waza u‐Huza wolula isandla sake ukuba abambe ityeya; ngokuba inkabi beziku̔beka. ₁₀Yandula yavuta ingqumbo kayehova ngakuye u‐Huza, wambeta ke, ngenxa yokuba ebesolule isandla sake ngasetyeyeni; waza wafa kona ebusweni bukatixo. ₁₁Wasuka waqumba u‐Davide ngokokuba uyehova ebenzile isityobozelo pezu kwo‐Huza; ngako wayibiza londawo ngokuti yi‐Peretse‐huza, kude kwanamhla nje. ₁₂Waza u‐Davide wamoyika utixo ngalomini, esiti: Ndoti nina ukuyizisa kum ityeya katixo? ₁₃Ngako u‐Davide akapambukisa ityeya leyo iye kuye esixekweni sika‐Davide, kodwa wayishenxisela endlwini ka‐Obedi‐edome um‐Gate. ₁₄Yaye ityeya katixo ihleli nabendlu ka‐Obedi‐edome, endlwini yake, inyanga zantatu: waza uyehova watamsanqela indlu ka‐Obedi‐edome, nako konke abenako.