Eyokuqala yezikronike 20

₁KWABEKUTE ekutwaseni kwomnyaka, ngexesha lokupuma kwabo okumkani, wandula u‐Jowabi wapuma nempi yokulwa, watshabalalisa ilizwe losapo luka‐Hamoni, weza wavingcela i‐Raba. Kodwa u‐Davide wasala e‐Yerusaleme. Waza u‐Jowabi wabeta i‐Raba, wayicita. ₂Waye u‐Davide wasusa isitsaba sokumkani walo entlokweni yake, wasifumana siyitalente yegolide ukuba nzima kwaso, sinamatye anqabileyo kuso; saye sibekwa pezu kwentloko ka‐Davide: namaxoba esixeko wawapumisa ngento eninzi kakulu: ₃nabantu abebekuso wabapumisa, wabasika ngesaṙa, nangezibulo zesincete, nangamazembe: wenje njalo ke u‐Davide kuzo zonke izixeko zosapo luka‐Hamoni. Waza u‐Davide wabuyela e‐Yerusaleme, nabo bonke abantu.

₄Kwaye kute emveni kwoko, kwesuka ukulwa e‐Gezere ngakuwo ama‐Filistiya: okuya u‐Sibekai, um‐Husha, wambulala u‐Sipai, owenzalo ka‐Rafa; aza atotyiswa ke.

₅Kwabuya kwabako ukulwa nama‐Filistiya: waza u‐Lehanane, unyana ka‐Yahire, wambulala u‐Lami umzalwana ka‐Goliyate um‐Gate, oluti lwentshuntshe belunjengomti wabaluki.

₆Kwabuya kwabako ukulwa e‐Gate: kwaye kuko kona indoda ende, ineminwe namazwane ayo ngesitandatu nangesitandatu, amashumi mabini anesine; kwa yona ibizalelwe kuma‐Rafa nayo. ₇Xeshekweni ibigxeka o‐Sirayeli, wandula u‐Jonatane, unyana ka‐Shimeha umzalwana ka‐Davide, wayibulala.

₈Aba bazalelwa kuma‐Rafa e‐Gate, bawa ngesandla sika‐Davide, nangesandla sezicaka zake.