Eyokuqala incwadi ka‐Paulusi kuma‐Korinte 5

₁KUKOLISILE ukuvakala ukuti umbulo upakati kwenu, ewe umbulo onjalo ukuba awukankanywa napakati kwabaheyideni, wokokuba umntu wakuni unaye umfazi kayise. ₂Nani ke nivutelene, ningatanga nje ngokukumbi nalilela, ukuze akweleliswe kwa pakati kwenu lowo wasenzayo isenzo esi. ₃Ngokuba mna okunene, njengokuba ndingeko ngomzimba, kodwa ndiko ngomoya, ndise ndigwebile, njengokungati bendiko, ngaye lowo owenje njalo ukwenza oku, ₄egameni lenkosi yetu u‐Yesu Kristu, nihlanganisene nje nina, kwa nomoya wam, kunye namandla enkosi yetu u‐Yesu Kristu, ₅ukunikela onjalo ku‐Satane kube kukubujiswa kwenyama, ukuze umoya usindiswe emhleni wenkosi u‐Yesu.

₆Akulungile ukuqa̔yisela kwenu. Anazi na ukuba igwele elincinane liyabilisa lonke isimba lentlama? ₇Gecani ngoko nipumise igwele elidala, ukuze nibe lisimba lentlama elitsha, njengokuba ningabo abangenagwele. Ngokuba ipasika yetu nayo isibingelwe, kwa u‐Kristu. ₈Kwa njalo ke masenze umtendeleko, kungabi ngalo igwele elidala, kungabi nangalo igwele lolunya nobumenemene, kube ngesonka esingenagwele sobunene nenyaniso.

₉Ndiba̔lile kuni encwadini yam ukuba maningakolani nabapimisi: ₁₀kungabi kanti ngokukanye nabapimisi belizwe eli, mhlaumbi namabawa, mhlaumbi nabapangi, mhlaumbi nabakonzi bezitixo; ngokuba oko nifanele ukupuma elizweni ke. ₁₁Kodwa kaloku ndiba̔lile kuni ukuba maningakolani naye, xeshekweni umntu obizwa ngegama lomzalwana anguye umpimisi, mhlaumbi olibawa, mhlaumbi umkonzi wezitixo, mhlaumbi umtuki, mhlaumbi olinxila, mhlaumbi umpangi; onjalo maningake nidlelane naye. ₁₂Ngokuba kuyinto nina kum ukuba nabapandle ndibagwebe? Abapakati anibagwebi na nina? ₁₃Kodwa abapandle utixo uyabagweba. Ize nikwelelise lomntu okohlakeleyo kwa kuni nina.