Eyokuqala ka‐Samyali 5

₁AZA ama‐Filistiya atabata ityeya katixo, esuka nayo e‐Ebenezere eza e‐Ashedode. ₂Ati ama‐Filistiya akususa ityeya katixo, ayizisa endlwini ka‐Dagone, ayimisa ngakuye u‐Dagone. ₃Kute xeshekweni ama‐Ashedode avuka kusasa ngomnye umhla, nanku u‐Dagone ewile ebusweni bake ngasemhlabeni, pambi kwetyeya Kayehova. Aza amtabata u‐Dagone, ambuyisela endaweni yake. ₄Ati akuvuka kusasa ngomso womhla olandelayo, nanku u‐Dagone ewile ebusweni bake ngasemhlabeni, pambi kwetyeya kayehova, nentloko ka‐Dagone, nentende zezandla zake zombini zinqumkile, zisemnyango; kupela sisikondo sika‐Dagone esamshiyelwa. ₅Ngako oko abaperisite baka‐Dagone, nabo bonke abangenayo endlwini ka‐Dagone, abanyatelanga pezu kwomnyango ka‐Dagone e‐Ashedode kwada kwanamhla nje.

₆Koko isandla sikayehova besinzima pezu kwama‐Ashedode, wawatshabalalisa, wawabeta ngamatumba, i‐Ashedode nemida yayo. ₇Xeshekweni amadoda ase‐Ashedode abona ukuba kunje ke, ati: Ityeya katixo wo‐Sirayeli maingahlali nati, ngokuba isandla sake silukuni pezu kwetu, napezu kwo‐Dagone utixo wetu. ₈Ngako atuma ahlanganisela kuwo zonke inkosi zama‐Filistiya, ati: Siya kwenza nto nina ngetyeya katixo wo‐Sirayeli? Zaye zisiti: Ityeya katixo wo‐Sirayeli maijikele e‐Gate. Asuka ayijikisela kona ityeya katixo wo‐Sirayeli. ₉Kwaye kute, emveni kwokuba ayijikisele kona, isandla sikayehova besingakuso isixeko eso ngesipitipiti esikulu kunene; ngokuba wabeta abantu besosixeko, kwa nabancinane nabakulu, aza ajaduka kubo amatumba.

₁₀Kwaza kwatunywa ityeya katixo ukuya e‐Hekrone. Kwabekute, yakufika ityeya katixo e‐Hekrone, akala ama‐Hekrone, esiti: Kujikiselwe kum ityeya katixo wo‐Sirayeli, ize ibulale mna nabantu bam. ₁₁Andula atuma ahlanganisa zonke inkosi zama‐Filistiya, ati: Yindululeni ityeya katixo wo‐Sirayeli, ibuyele endaweni yayo, ukuze ingabulali mna nabantu bam: ngokuba bekuko isipitipiti esibulalayo esixekweni sonke; isandla sikatixo besinzima kakulu kona. ₁₂Bati abantu abebengafi, babetwa ngamatumba: sada isikalo sesixeko eso senyuka ngasezulwini.