Eyokuqala incwadi ka‐Paulusi kuma‐Tesalonika 1

₁UPAULUSI, no‐Silivane, no‐Timote, kwiṙemente yama‐Tesalonika e kutixo uyise nenkosi u‐Yesu Kristu: Ufefe malube kuni, noxolo, luvela kuye utixo ubawo wetu, nenkosi u‐Yesu Kristu.

₂Siyabulela kutixo ngamaxesha onke ngenxa yenu nonke, sinikankanya emitandazweni yetu; ₃singayeki ukukumbula umsebenzi wenu wokolo, nomzamo wotando, nomonde wetemba enkosini yetu u‐Yesu Kristu, ebusweni bake utixo nobawo wetu: ₄sisazi nje, bazalwana abatandiweyo ngutixo! ukunyulwa kwenu; ₅kuba ivangeli yetu ibingezanga kuni emazwini odwa, koko yezayo nasemandleni, na kumoya oyingcwele, nasekuqiniseni okuninzi; kwa njengokuba nisazi ukuba saba ngabanjanina pakati kwenu ngenxa yenu. ₆Nani naba ngabalandeli betu, na benkosi, nilamkele nje ilizwi ebunzimeni obuninzi, kunye novuyo lwomoya oyingcwele; ₇nada naba yimizekelo kubo bonke abakolwayo e‐Masedoniya nase‐Akaiya. ₈Ngokuba kwa kuni livakalisiwe ilizwi lenkosi kungekuyo i‐Masedoniya ne‐Akaiya yodwa, koko nakuzo zonke indawo inkolo yenu engakuye utixo ipumile; side singafaneli tina ukuteta into. ₉Ngokuba bona ngokwabo beshumayela ngati ukuba bekunjanina ukungena esibe sinako kuni, nokuba nati nina ukuguqukela kutixo niguquka ezitixweni, ukumkonza utixo opilileyo oyinyaniso, ₁₀nokumlinda unyana wake evela ezulwini, ate wamvusa ekufeni, kwa u‐Yesu, osihlangulayo emsindweni ozayo.