1NANGA amazwi okugqibela ka‐Davide: watsho u‐Davide unyana ka‐Jese, yatsho indoda ebipakanyiswa pezulu, umtanjiswa wotixo ka‐Yakobi, nomculi omnandi wakwa‐Sirayeli, ukuti:
2Umoya kayehova wateta ngam, nelizwi lake belipezu kwolwimi lwam. 3Wati utixo wo‐Sirayeli, — olilityekazi lo‐Sirayeli wateta kum, esiti: Kwobako umpati pezu kwabantu olungileyo, umpati emoyika utixo; 4oya kuba njengokukanya kwokusa, lakupuma ilanga, njengokwokusa okungenamafu, njengenca eluhlaza ipuma emhlabeni ngokukazimla emva kwemvula. 5Nakuba indlu yam ingenjalo kutixo, undimisele ucebano olungunapakade noko, olulungiselelweyo ngento zonke, oluqinisiweyo; ngokuba engayi kuluhlumisa ngenyaniso na lwonke usindiswa lwam, nalo lwonke unqwenelo lwam? 6Kodwa abalusapo lwobunginingini bona bonke boba njengameva asunduzwayo, ngokuba engenako ukutatyatwa ngezandla; 7nosukuba eya kuwapata, wonqatyiswa ngentsimbi nangoluti lwentshuntshe; aeya kutshiswa kanye ngomlilo endaweni yawo.
8NANGA amagama amagoṙa u‐Davide abenawo: u‐Yoshebe‐bashebete um‐Tahakemoni, intloko yenjengele; nguye u‐Hadino um‐Hetsene: yena wavivinya intshuntshe yake ngakuwo amakulu asibozo abahlatyiweyo nguye ngexesha linye.
9Kwaye kuko emva kwake u‐Elezari, unyana ka‐Dodo, unyana wom‐Ahoha; ebepakati kwawo amagoṙa amatatu ndawonye no‐Davide, akuba ebegxeka ama‐Filistiya abebutene kona ukulwa, nxa amadoda akwa Sirayeli abenyukile: 10wesuka yena, wabulala ama‐Filistiya sada sadinwa isandla sake, sati nama isandla sake eṙeleni: waza uyehova wenza usindiso olukulu ngalomhla; bati abantu babuyela emva kwake ngenxa yokupanga kupela.
11Kwaye kuko emva kwake u‐Shama, unyana ka‐Age, um‐Harari. Kekaloku ama‐Filistiya ebebutene abe libandla, apo bekuko kona isahlulo somhlaba sizele zilentile; baza abantu besaba ebusweni bama‐Filistiya. 12Kodwa wazimisa pakati kwentsimi leyo, wayilondoloza, wawabulala ama‐Filistiya: waza uyehova wenza usindiso olukulu.
13Kwaye kusihla abatatu bakubo abamashumi matatu abazintloko, beza ku‐Davide ngexesha lokuvuna emqolombeni we‐Hadulame; lati ibandla lama‐Filistiya lati waca emhlanjeni wama‐Rafa. 14Waye u‐Davide oko ebesenqatyeni, nelali yama‐Filistiya ibiko oko e‐Beteleheme. 15Waza u‐Davide walangazelela, wati: Akwaba bendinokusezwa amanzi equleni lase‐Beteleheme, elisesangweni! 16Asuka lamagoṙa matatu atyoboza emkosini wama‐Filistiya, aka amanzi equleni lase‐Beteleheme, elisesangweni, awatwala, awazisa ku‐Davide: koko u‐Davide ebengavumi ukuwasela, kodwa wawatululela kuyehova, 17wati: Makube lé kum, Yehova! ukuba ndiyenze lento; ndiya kusela igazi lalamadoda na, abehamba ngokubuncama ubomi bawo? ngako ebengavumi ukuwasela. Ezizinto azenza lawomagoṙa matatu.
18Kanjalo u‐Abishai, umninawe ka‐Jowabi, unyana ka‐Tseruya, ebeyintloko yabatatu: yena wavivinya intshuntshe yake ngakuwo amakulu matatu abahlatyiweyo nguye, waza wanegama pakati kwabatatu abo. 19Kubo abatatu abo asi nguye na obekekileyo? ngako waba yinkosi yabo; kodwa akafikelela kwabatatu bokuqala.
20No‐Benaya, unyana ka‐Yoyada, unyana wendoda ebuṙoti, obemkulu ngezenzo, owase‐Kabetsele, yena wabulala amadoda mabini abungonyamaṙa ase‐Mowabi: kanjako wehla wabulala ingonyama pakati kwomnxuma ngomhla wengqele: 21wabulala nendoda engum‐Jipete, indoda enomkita; nasesandleni som‐Jipete lowo ibiko intshuntshe; koko wehlela kuye ngentonga, wayityutula intshuntshe esandleni som‐Jipete, wambulala ngeyake intshuntshe. 22Ezizinto wazenza u‐Benaya unyana ka‐Yoyada, waza wanegama pakati kwalawomagoṙa matatu. 23Pakati kwabo abamashumi matatu ebebekekile; kodwa akafikelela kwabatatu bokuqala. Wati u‐Davide wammisa pezu kwomlisela wake.
24U‐Hasaheli umninawe ka‐Jowabi ebepakati kwabo abamashumi matatu; u‐Lehanane unyana ka‐Dodo, um‐Beteleheme; 25u‐Shama, um‐Harodi; u‐Elika, um‐Harodi; 26u‐Heletse, um‐Paliti; u‐Hira unyana ka‐Hikeshe, um‐Tekoha; 27u‐Abihezere, um‐Hanatote; u‐Mebunai, um‐Husha; 28u‐Tsalimone, um‐Ahoha; u‐Maharai, um‐Netofati; 29u‐Helebe unyana ka‐Bahana, um‐Netofati; u‐Yitai unyana ka‐Ribai, owase‐Gibeha yosapo luka‐Benjamine; 30u‐Benaya, um‐Piratone; u‐Hidai, owasezintilini zase‐Gahashe; 31u‐Abi‐halibone, um‐Haraba; u‐Hazamaveti, um‐Bahurime; 32u‐Eliyaba, um‐Shahalaboni; kubo onyana baka‐Yashene, u‐Jonatane; 33u‐Shama, um‐Harari; u‐Ahiyame unyana ka‐Sharare, um‐Harari; 34u‐Elifelete unyana ka‐Ahasebai, unyana wom‐Mahaka; u‐Eliyame unyana ka‐Ahitofele, um‐Gilo; 35u‐Hetserai, um‐Karamele; u‐Parai, um‐Areba; 36u‐Yigali unyana ka‐Natane, owase‐Tsoba; u‐Bani, um‐Gadi; 37u‐Tseleki, um‐Hamoni; u‐Naharai, um‐Berote, umtwali wezixo̔bo ku‐Jowabi unyana ka‐Tseruya; 38u‐Hira, um‐Yetere; u‐Garebi, um‐Yetere; 39u‐Huriya, um‐Hete: bonke bangamashumi matatu anesixe̔nxe.
