Eyesibini incwadi ka‐Paulusi kuma‐Tesalonika 3

₁OKO kuseleyo, bazalwana! sitandazeleni, ukuba ilizwi lenkosi libe nokuhamba nokudunyiswa, njengokuba linjalo nakuni; ₂nokuba sihlangulwe ebantwini abasangeneyo abakohlakeleyo; ngokuba ukolo lungenabo bonke. ₃Kodwa inyanisekile inkosi, eya kuniqinisa, inigcine kuyo inkohlakalo. ₄Ewe siyatembela enkosini pezu kwenu, ukuba izinto esiniyalelayo ngazo niyazenza, nokuba niya kuzenza kanjalo. ₅Kodwa yona inkosi yanga ingazikapela intliziyo zenu elutandweni lukatixo, nasemondeni ka‐Kristu.

₆Kekaloku siyaniyalela, bazalwana! egameni lenkosi yetu u‐Yesu Kristu, ukuba nizishenxise kubo bonke abazalwana behamba ngobugaxagaxa, bengahambi ngokwesinikelwa abasamkelayo kuti. ₇Ngokuba ngokwenu nisazi ukuba nifanele ukuti nina ukusilandela: kuba sasingahlali ngobugaxagaxa pakati kwenu; ₈asadla isonka kumntu ngesisa kanjako, bekusekuzameni nasekudinisweni, sisebenza ubusuku nemini nje, size singabi bunzima kumntu wakuni: ₉kungekukuba singenalo igunya, kukukuba sizenze umzekelo kuni, nize nisilandele. ₁₀Ngokuba naxeshekweni sibe sinani, sasiniyalela kwa lento yokuti, ukuba kuko ongatandi ukusebenza, makangadli kanjako. ₁₁Ngokuba sisiva ukuba bako inxenye behamba pakati kwenu ngobugaxagaxa, bengasebenzi luto, koko bezifaka ezintweni ezingezezabo. ₁₂Kekaloku abo banjalo siyabayalela sibakunge ngayo inkosi yetu u‐Yesu Kristu, ukuba basebenze benokuti tu, badle esabo isonka. ₁₃Kodwa nina, bazalwana! maningadinwa kukwenza okulungileyo. ₁₄Kodwa ukuba kuko umntu ongevayo ilizwi letu ngayo lencwadi, gqalani lomntu, ningakolani naye, ukuze enzelwe intloni. ₁₅Kanti ningambali ukuba ulutshaba, niti nimluleke njengomzalwana.

₁₆Kekaloku inkosi yoxolo ngokwayo yanga inganinika uxolo futi ngendawo zonke. Inkosi maibe nani nonke.

₁₇Umbuliso wam Paulusi ngesam isandla, okungumqondiso kuzo zonke incwadi: kunjalo ukubala kwam. ₁₈Ufefe lwe nkosi yetu u‐Yesu Kristu malube nani nonke. Amene.