Eyesitatu incwadi ka‐Johane 1

₁UMDALA kuye u‐Gayusi otandiweyo, ondimtandayo mna enyanisweni.

₂Sitandwa! pezu kwezinto zonke ndiyanqwena ukuba uhanjiswe kakuhle upile nokupila, kwa njengokuba uhanjiswa kakuhle umpefumlo wako. ₃Ngokuba ndavuyayo kunene, bakuti abazalwana bafika banqi̔nela inyaniso yako, kwa njengokuba uhamba wena enyanisweni. ₄Andinalo uvuyo olukulu ngakumbi kuko oku, ukuba ndive usapo lwam ukuba luyahamba enyanisweni.

₅Sitandwa! uyakwenza ngokunyanisekileyo oko usukuba usenzela kona abazalwana nabasemzini; ₆abanqi̔neleyo utando lwako ebusweni beṙemente; oya kuti, wakuba ubahambisa ekuhambeni kwabo ngokufanele utixo, ube uyalungisa: ₇ngokuba bekungenxa yegama lake bapumayo, bengamkeli luto kubo abaheyideni. ₈Tina ngoko sifanelwe kukuba sibabuke abanjalo, ukuze sibe ngabasebenzisi babo ukusebenzela inyaniso.

₉Ndaba̔la kuyo iṙemente; koko u‐Diyotrefesi otanda ukuba mkulu pakati kwabo angasamkeliyo. ₁₀Ngenxa yoku, xeshekweni ndizayo, ndomkumbuza izenzo zake azenzayo, esiṙobozela ngamazwi olunya: oti kanjalo, engancanyiswa kuko oku, angabamkeli abazalwana yena ngokwake, nabo bafuna ukubamkela abalele, abaku̔pe kwa seṙementeni. ₁₁Sitandwa! ungalandeli oko kukohlakeleyo, uti ulandele oko kulungileyo. Owenza okulungileyo ungowakuye utixo; kodwa owenza okukohlakeleyo akambonanga utixo.

₁₂U‐Demetriyusi unqi̔nelwe kakuhle ngabo bonke, nayiyo inyaniso: kanjalo nati siyanqi̔na; niyazi ke ukuba ukunqi̔na kwetu kuyinene.

₁₃Ndibe ndinazo izinto ezininzi zokuba̔la, koko ndingavumiyo ukuba̔la kuwe ngeyinke nosiba: ₁₄kodwa ndiyatemba ukuba ndohla ndikubone, nokuba siya kuteta umlomo ngakuwo umlomo.

Uxolo malube kuwe. Abahlobo balapa bayakubulisa. Bulisa abahlobo abanawe ngegama ngegama.