U‐Hamose 3

₁YIVANI elilizwi alitetileyo uyehova ngakuni, lusapo luka‐Sirayeli! ngakuso sonke isizalwane endasinyusayo elizweni le‐Jipete, lokuti: ₂Nina ndinazile kupela kuzo zonke izizalwane zomhlaba; ngako oko ndiya kuzohlwayela zonke inkohlakalo zenu pezu kwenu. ₃Bohamba ababini kunye na, ukuba abavumelani? ₄Yokonya na ingonyama ehlatini, nxa ingenanto yokuqwenga? yoku̔pa ilizwi layo na ingonyama entsha emnxunyeni wayo, ukuba ayibambanga nto? ₅Intaka iya kuwa na emgibeni pezu kwomhlaba, kungeko kuyo isigu? wojuba na umgibe emhlabeni, nxa kungabanjiswanga nanto? ₆Kwovutelwa ngexilongo esixekweni na, baze bangangcangcazeli abantu ke? kwobako ilishwa esixekweni na, engalenzanga uyehova nje? ₇Ngenyaniso ayiyi kwenza nto inkosi e nguyehova, ukuba ayityilanga iqinga layo kwizicaka zayo abaprofite. ₈Ikonyile ingonyama, ngubanina ongayi kwoyika? Itetile inkosi e nguyehova, ngubanina ongayi kuprofitesha?

₉Vakalisani kuzo izindlukazi e‐Ashedode, nakuzo izindlukazi ezweni le‐Jipete, niti: Zihlanganiseni pezu kwentaba zase‐Samariya, nizibone izipitipiti ezikulu ezikuyo, nembandezelo ezipakati kwayo. ₁₀Ngokuba bengazi ukwenza okulungileyo, utsho uyehova, abakubekelayo okuhlutiweyo nokubadiweyo kuzo izindlukazi zabo. ₁₁Ngako oko itsho inkosi e nguyehova ukuti: Kwobako utshaba, lungqonga ilizwe ke; lwaluya kuhlisa amandla ako kuwe, nendlukazi zako ziya kupangwa. ₁₂Utsho uyehova ukuti: Njengokuba umalusi ehlangula emlonyeni wengonyama imilenze mibini, umhlaumbi intwana yendlebe, kwa njalo lwohlangulwa usapo luka‐Sirayeli, oluhleli e‐Samariya encameni yomandlalo, nase‐Damakusi encameni yento yokupumla. ₁₃Yivani, ninqi̔ne ngakuyo indlu ka‐Yakobi, itsho inkosi e nguyehova, utixo wemikosi, ₁₄ukuba ndoti, emhleni endiya kuzohlwayela izigqito zika‐Sirayeli pezu kwake, ndizohlwayele nezibingelo zase‐Betele; impondo zesibingelo ziya kunqanyulwa, ziwe pantsi emhlabeni. ₁₅Ndandiya kubeta indlu yobusika kunye nendlu yehlobo; izindlu zopondo lwendlovu zoti tshabalala, nendlu ezinkulu zoba nokupela, utsho uyehova.