I‐Duteronomi 11

₁Kukona uya kutanda uyehova, utixo wako, ugcine umyalezelo wake, nezimiselo zake, nezigwebo zake, nemiyalelo yake, ngamaxesha onke.

₂Yazini ke namhla, ukuba anditeti nabantwana benu, abangazanga nabangabonanga isohlwayo sikayehova, utixo wenu; ubukulu bake, isandla sake esomeleleyo, nengalo yake eyolulweyo; ₃nemiqondiso yake, nezenzo zake, abezenza pakati kwe‐Jipete, ku‐Faro ukumkani we‐Jipete, nakulo lonke ilizwe lake; ₄noko abekwenza empini yama‐Jipete, emahasheni awo, nasezinqwelweni zawo zokulwa, okokuba welisa amanzi olwandle olubomvu pezu kwawo, nxa aniputumayo, nokuba wawatshabalalisa kwada kwanamhla; ₅noko abekwenza kuni entlango, nada nafika kulendawo; ₆noko abekwenza ku‐Datane naku‐Abirame, onyana baka‐Eliyabe, unyana ka‐Rubene, okokuba umhlaba wakamisa umlomo wawo, wabaginya, kwa nabendlu zabo, nentente zabo, nako konke okuhleliyo okube kulunge kubo, pakati kwo‐Sirayeli bonke: ₇ngokuba amehlo enu ewubonile wonke lomsebenzi omkulu kayehova abewenza. ₈Yigcineni ngoko yonke imiyalelo endiniyalelayo namhla; ukuze nibe nomelele, niye nilifuye ilizwe, eniwelela kona ukuba nilifuye; ₉nokuze nolule imihla pezu kwalomhlaba, uyehova wafungela oyihlo benu ukuba wowunika kubo nakwinzalo yabo; ilizwe elela ubisi nobusi.

₁₀Ngokuba ilizwe, apo uya kona ukuba ulifuye, lingenjengelizwe le‐Jipete lona, apo navela kona, apo wahlwayelayo imbewu yako, wayinyela ngonyawo lwako, njengesitiya semifuno: ₁₁kodwa ilizwe, eniwelela kona ukuba nilifuye, lilizwe lentaba nemihlambo; liyasela amanzi ngemvula yezulu: ₁₂lilizwe uyehova, utixo wako, alikatalelayo: kufuti amehlo kayehova, utixo wako, apezu kwalo, kwa sekuqaleni kwomnyaka nakude kube sekupeleni kwomnyaka.

₁₃Kwakuya kuti, nxa niya kukutala ukupulapula imiteto yam endiniyalelayo namhla, yokuba nimtande uyehova, utixo wenu, nokuba nimkonze ngayo yonke intliziyo yenu nangawo wonke umpefumlo wenu; ₁₄ndiya kwandula ndinike imvula yomhlaba wenu ngexesha layo, eyapambili imvula neyasemva imvula; ukuze ubute inqolowa yako, neveyine yako, neoli yako. ₁₅Ndandiya kunika inca ezindleni zako ibe yeyenkomo zako; wauya kutya uhlute nokuhluta.

₁₆Zilumkeleni, hleze intliziyo yenu ihendwe, nide nipambuke, nikonze otixo bambi, nitobe pambi kwabo; ₁₇yandule ivute ingqumbo kayehova ngakuni, ade avingce izulu, ukuba ingabiko imvula, nokuba umhlaba unganiki ukuhluma kwawo; nize nibube kamsinya kwelolizwe lilungileyo enilipiwayo nguyehova.

₁₈Ngako lamazwi am uya kuwabeka entliziyweni yenu, nasempefumlweni wenu; nowabopa abe ngumqondiso pezu kwesandla senu, aeya kuba njengembasa pakati kwamehlo enu: ₁₉naniya kuwafundisa kubantwana benu, nitete ngawo, ekuhlaleni kwako endlwini yako nasekuhambeni kwako endleleni, nasekulaleni kwako, nasekuvukeni kwako: ₂₀kanjako uya kuwaba̔la pezu kwemigubasi yendlu yako, nasemasangweni ako: ₂₁kuze kwolulwe imihla yenu, nemihla yabantwana benu, kwelolizwe wabefungela oyihlo benu uyehova ukuba alinike kubo, njengemihla yezulu pezu kwomhlaba.

₂₂Ngokuba xeshekweni nikutala ukugcina yonke lemiyalelo endiniyalelayo ukuba niyenze, yokuba nimtande uyehova, utixo wenu, nihambe kuzo zonke indlela zake, ninamatele nokunamatela kuye; ₂₃woti uyehova agqogqe zonke ezintlanga kwa pambi kwenu, naniya kufuya okwentlanga ezizezinkulu nezinamandla pezu kwenu. ₂₄Zonke indawo, uya kunyatela kuzo umzantsi wenyawo zenu, zoba zezenu: kutabata entlango ne‐Lebanone, nakuwo umlambo, umlambo ongum‐Ferate, nakude kube lulwandle lwasemva, kwoba ngumda wenu. ₂₅Akuko mntu oya kuba nokuma pambi kwenu: ukunkwantywa kwenu nokwoyikwa kwenu wokubeka uyehova, utixo wenu, pezu kwawo wonke umhlaba eniya kunyatela kuwo, njengokuba etshilo kuni.

₂₆Bona ke, ndiyabeka ebusweni benu namhla nje itamsanqeliso nesiqalekiso: ₂₇itamsanqeliso, nxa nivayo imiyalelo kayehova, utixo wenu, endiniyalelayo namhla; ₂₈nesiqalekiso, ukuba aniyi kuva imiyalelo kayehova, utixo wenu, nipambuka endleleni endiniyalela ngayo namhla, ukuya kulandela otixo bambi, abo nibe ningabazi.

₂₉Kwakuya kuti, nxa uyehova, utixo wako, akungenisile elizweni apo uya kona ukulifuya, niya kwandula ninike itamsanqeliso pezu kwentaba ye‐Gerizime, nesiqalekiso pezu kwentaba ye‐Hebali. ₃₀Ezontaba azipesheya kwe‐Yoredane na, emva kwendlela ngasekutshoneni kwelanga, elizweni laba‐Kanane, abahleliyo etafeni, malungana ne‐Gilegale, kufupi neyeke zika‐More? ₃₁Ngokuba niya kuwela i‐Yoredane, ukuya kulifuya elozwe enilipiwayo nguyehova, utixo wenu; naniya kulifuya, nihlale nokuhlala kulo.

₃₂Lumkelani ngoko ukuzenza zonke izimiselo nezigwebo, endizibekayo pambi kwenu namhla nje.