U‐Ezera 5

₁BAZA abaprofite, u‐Hagai umprofite, no‐Zekariya unyana ka‐Hido, baprofitesha kuma‐Juda abekwa‐Juda nase‐Yerusaleme, egameni lotixo wo‐Sirayeli, kwa kuwo wona. ₂Oko kwesuka u‐Zerubabeli unyana ka‐Shalatiyeli, no‐Yoshuwa unyana ka‐Yotsadaki, baqala ukuyaka indlu katixo ese‐Yerusaleme: kwabako nabo abaprofite bakatixo bebanceda.

₃Ngeloxesha kweza kubo u‐Tatenai, inkosi yelicala lomlambo, no‐Shetari‐bozenai, nabalingane babo, batsho kubo ukuti: Ninikwe umteto ngubanina ukwaka indlu le nokufeza oludonga? ₄Sandula sabaxelela ngokunjalo, angobanina amagama awo amadoda asakayo esisakiwo. ₅Kodwa iliso lotixo wabo libe lipezu kwabadala bama‐Juda, ukuba ababayekisa, kwada kwaya umcimbi lowo ku‐Dariyusi: bati oko bapendula ngencwadi ngalendawo.

₆Isiba̔lo sencwadi, leyo u‐Tatenai, inkosi yelicala lomlambo, no‐Shetari‐bozenai, nabalingane bake, ama‐Afareseki, abanganeno kwomlambo, bayituma ku‐Dariyusi ukumkani: ₇batama incwadi kuye, ekwaba̔lwa kuyo ngokuti:

Ku‐Dariyusi ukumkani, malubeko uxolo lwonke. ₈Makwazeke kukumkani, ukuba saya elizwaneni le‐Judeya, endlwini yake utixo omkulu, eyakiwa ngamatye amakulu, esel’ ifakiwe nemiti ezindongeni; kanjalo lomsebenzi uyenzwa ngokunxama, uhambiseka ezandleni zabo. ₉Sandula sabuza abadala abo, satsho kubo ukuti: Ninikwe umteto ngubanina ukwaka indlu le, nokufeza ezindonga? ₁₀Sababuza namagama abo, ukuba sikwazise wena; ukuba siwaba̔le amagama amadoda azintloko zabo. ₁₁Benje nje ukusipendula kwabo, besiti: Sizizicaka zake utixo wezulu nomhlaba, siyayaka leyondlu ibe yakiwe kuse kuyiminyaka mininzi, owati ukumkani omkulu wo‐Sirayeli wayaka wayifeza. ₁₂Kuloko emvenikweni obawo betu bebemqumbisile utixo wezulu, wabanikela esandleni sika‐Nebukanetsare ukumkani we‐Babilone, um‐Kaledine, owacita leyondlu, nabantu wabafudusela e‐Babilone. ₁₃Kodwa ngowokuqala umnyaka ka‐Koreshe ukumkani we‐Babilone, wanika umteto ukumkani u‐Koreshe, ukuba makwakiwe lendlu katixo. ₁₄Kanjalo impahla zendlu katixo, ezegolide nezesilivere, ezo u‐Nebukanetsare wazikupa etempileni ebise‐Yerusaleme, wazizisa etempileni ese‐Babilone, kwa zona u‐Koreshe ukumkani wazikupa etempileni ese‐Babilone, zaza zanikelwa kogama lingu‐Sheshebatsare, lowo abemmisile inkosi; ₁₅wayesiti kuye: Tabata ezimpahla, uye uzise etempileni ese‐Yerusaleme; nendlu katixo mayakiwe endaweni yayo. ₁₆Wandula wafika u‐Sheshebatsare lowo, wabeka amasekwa ayo indlu katixo ese‐Yerusaleme: ibisakiwa kuselokweloxesha kwada kwakaloku, kanti ayikagqitywanga. ₁₇Ngako oko, ukuba kunga kulungile kukumkani, makufunwe endlwini yendyebo yokumkani, ese‐Babilone apo, ukuba kunjalo na okokuba kwanikwa umteto ngu‐Koreshe ukumkani, wokuba makwakiwe lendlu katixo e‐Yerusaleme; nentando yokumkani makayitume kuti ngalendawo.