I‐Genesise 20

₁WEMKA apo u‐Abrahame waya ngasezweni lasesuyide, wema pakati kwe‐Kadeshe ne‐Shure; waza wapambukela e‐Gerari. ₂Wabetshilo u‐Abrahame ngaye u‐Sara umfazi wake ukuti: Ngudade wam yena; ngako watuma u‐Abimeleki, ukumkani we‐Gerari, wamsusa u‐Sara.

₃Kanti weza utixo ku‐Abimeleki ngepupa ebusuku, wati kuye: Bona ke, ungofileyo ngenxa yalomfazi umsusileyo, ngokuba yena selendile endodeni. ₄Kodwa u‐Abimeleki ebengasondelanga kuye: waza wati: Nkosi! isizwe esilungileyo woka usibulale kusinina? ₅Akatshongo na ukuti kum: Ngudade wam? naye, wabe kwa yena esiti: Ngumkuluwe wam: kungolungelelwano lwentliziyo yam nangobumsulwa bezandla zam endikwenzile oku. ₆Waza utixo wati kuye epupeni: Nam ndiyakwazi ukuba kungolungelelwano lwentliziyo yako ukwenzile oku; ngokuba kanjalo ndikunqandile ekwoneni ngakum; kukona ndingakuvumelanga ukuba umcukumise. ₇Uze uti kaloku ubuyise umfazi walendoda, ngokuba ingumprofite yona, yaiya kukutandazela, ukuze upile; kodwa ukuba akumbuyisi, yazi okokuba uya kufa ngokufa, kwa wena, nako konke unako.

₈Wayevuka u‐Abimeleki kwa kusasa, wabiza zonke izicaka zake, wateta onke lamazwi ezindlebeni zazo. Ati amadoda lawo oyika kakulu. ₉Waza u‐Abimeleki wambiza u‐Abrahame, wati kuye: Yinto nina uyenzileyo kuti? kanjalo yinto nina endikwonile ngayo, ukuba uzisile pezu kwam napezu kwobukumkani bam ityala elikulu kangaka? izenzo ezinga zingenziwe uzenzile kum. ₁₀Walekela u‐Abimeleki ukuti ku‐Abrahame: Ububona nto nina, ukuba wayenza lento? ₁₁Waza wati u‐Abrahame: Bekungokuba bendisiti: Okunene akuko ukwoyikwa kukatixo kulendawo; sebeya kundibulala ngenxa yomfazi wam. ₁₂Kanti unguye nodade wam ngenyaniso; uyintombi kabawo, kodwa akayiyo intombi kama̔; wada waba ngumfazi wam. ₁₃Kwaza kwati, okuya utixo wandibangazisayo endlwini kabawo, kendati kuye: Obu bubububele uya kundenzela bona: kuzo zonke indawo esiya kufika kona, uti ngam: Ngumkuluwe wam yena. ₁₄Wandula u‐Abimeleki watabata izimvu, nenkabi, nezicaka, nezicakakazi, wazinika ku‐Abrahame, wambuyisela kuye no‐Sara umfazi wake. ₁₅Wayesiti u‐Abimeleki: Nangu umhlaba wam usebusweni bako; hlala apo kulungile emehlweni ako ukuba uhlale kona. ₁₆Wati nakuye u‐Sara: Bona ke, ndimnikile umkuluwe wako iwaka leshekele zesilivere; bona ke, usisigubungelo samehlo kuwe, kubo bonke abakunye nawe, nakunye nabanye bonke: bekunjalo ukwohlwaywa kwake. ₁₇Waza u‐Abrahame watandaza kutixo; waye utixo wapilisa u‐Abimeleki, nomfazi wake, nezicakakazi zake; bada bazala. ₁₈Ngokuba uyehova ebegqibele ukuzivingca zonke izizalo zabendlu ka‐Abimeleki, ngenxa ka‐Sara umfazi ka‐Abrahame.