U‐Habakuke 1

₁UMGWEBO owawubonayo u‐Habakuke umprofite.

₂Kwoba kade kangakananina ndidanduluka, Yehova! ungeva wena; ndikala kuwe ngenxa yobudlwengu, ungasindisi wena? ₃Kunganina ukuba undibonise inkohlakalo, uti wena ukangele ububi? ngokuba ukubada nobudlwengu bupambi kwam; kuko ipike kanjalo, nempikiswano iyazipakamisa. ₄Ngako oko umteto uyapola, nobugwebo abupumi ngenyaniso: ngokuba abakohlakeleyo beṙaula abalungileyo; kukona kupuma ubugwebo obutyekisiweyo.

₅Bonani pakati kwabaheyideni, nikangele, niti nqa kakulu; ngokuba ndiya kuwenza umsebenzi emihleni yenu, eningayi kukolwa nguwo, noko ushunyayelwayo. ₆Ngokuba, bona ke, ndiya kuvusa ama‐Kaledine, esosizwe siṙaṙa esinxamileyo; esihambayo ezindaweni ezibanzi zomhlaba, ukuba sifuye indawo zokublala ezingezezaso. ₇Sinokunkwantyisa, sesoyikekileyo; ukugweba kwaso nobukulu baso buyapuma kwa kuso. ₈Amahashe aso anamendu ngapezu kwezingwe, siyagqitisa ngobukali incu̔ka zokuhlwa; abakweli baso bayazitwabulula; ewe, abakweli baso bavela kude; bayabaleka njengokozi lunxamela ukudla. ₉Siyeza sonke ngenxa yobudlwengu; ukubeka kwobuso babo kungapambili; siyabuta amatinjwa njengentlabati. ₁₀Okumkani siyabagxeka, nenkosi zisisihlekwa kuso; siyahleka inqaba zonke; siyafumbelela ihlabati, sizibambe ke. ₁₁Wandule umoya waso ubuye; siyagqita ke, siyazeka ityala, ngokubalela utixo waso la amandla aso.

₁₂Asi nguwe na ongunapakade, Yehova, Tixo wam, Ngcwele yam? asiyi kufa tina. Yehova! usimisele ukugweba; Liwa! usidalele ukwohlwaya. ₁₃Ungomehlo angcwele kokokuba ubone inkohlakalo; akungekangele ububi; kunganina ukuba ubakangele abatimbi, nokuba uti cwaka nxa okohlakeleyo adla lowo olungileyo kuye? ₁₄nokuba ubenze abantu babe njengentlanzi zolwandle, njengezinambuzane ezingenankosi pezu kwazo? ₁₅Siyabanyusa bonke ngeqeṙu laso, siyabar̔olela emnateni waso, siyababutela elutanjeni lwaso; siyavuya ngoko, siyagcoba nokugcoba. ₁₆Ngako oko siyabingela umnata waso, siqu̔misele notambo lwaso; ngokuba ngazo isabelwa saso sityebile, nokutya kwaso kokutyetyisiweyo. ₁₇Sesiya kuwenza zé ngoko ke na umnata waso, singayeki ukubulala izizwe futi nje?