Incwadi ka‐Paulusi kuma‐Hebere 10

₁Ngokuba umteto unesitunzi nje sezinto ezilungileyo eziza kuza, ungenawo wona umfanekiso wendawo, awungeze uti ngawo wona amadini abamana bewanikela futi iminyaka ngeminyaka abo basondelayo ubafezekise. ₂Okanye ngeenganqamkanga na ukunikelwa, ngenxa yokuba abakonzayo, behlanjululwe nje kanye, bengasenaso isazelo sezono? ₃kuloko kukoyo ngawo ukukunjulwa kwezono iminyaka ngeminyaka: ₄ngokuba kungenzeki ukuba igazi lenkabi nebokwe lisuse izono.

₅Ngako oko akungena elizweni uti: Umbingo nomnikelo ubungawutandi, kodwa umzimba uwulungisele mna: ₆amadini okutshiswa nawesono akuwakolelanga. ₇Ndandul’ ukuti: Nanku ndisiza, (emqulwini wencwadi kuba̔liwe ngam,) ukuyenza intando yako, Tixo! ₈Esiti pambili nje: Umbingelo nomnikelo namadini okutshiswa nawesono akuwatandanga, akuwakolelanga kanjako; anikelwayo wona njengokwomteto; ₉utshilo oko ukuti: Nanku ndisiza ukuyenza intando yako, Tixo! — uyasusa okwokuqala, ukuze amise okwesibini. ₁₀Esiti ngayo lontando senzwe ngcwele tina ngokunikelwa kwomzimba ka‐Yesu Kristu kwa kanye.

₁₁Kanjalo osukuba engumperisite umi imihla ngemihla esenza isikonzo, enikela futi amadini akwa ngawo wona, angesuseyo izono nakanye; ₁₂kodwa yena, elinikele nje idini linye ngenxa yezono libe ngunapakade, wahlala pantsi ngasekunene kwotixo, ₁₃elinda ixesha eliseleyo zide intshaba zake zenzwe isitulo senyawo zake: ₁₄ngokuba ngomnikelo umnye ubafezekisile kude kube ngunapakade abo benziwa ngcwele.

₁₅Uti kanjako nomoya oyingcwele asinqi̔nele oku. Ngokuba, emvenikweni abetshilo pambili ukuti: ₁₆Lulo olu ucebano endiya kulwenza nabo emveni kwalomihla, utsho uyehova: Ndiya kubeka imiteto yam pezu kwentliziyo yabo, napezu kwengqondo zabo ndoyiba̔la; — ₁₇uti: Nezono zabo nezigqito zabo andisayi kubuya ndizikumbule. ₁₈Kekaloku apo kukona ukuxolelwa kwezi, akuseko umnikelo ngenxa yesono.

₁₉NGAKO ke, bazalwana! sinalo nje ukalipo lwokungena kweyingcwele indawo sinegazi lika‐Yesu, ₂₀ngendlela entsha epilileyo asitwasisele yona, ngalo ikuselo, oko kukuti, inyama yake; ₂₁sinomperisite omkulu nje pezu kwendlu katixo kanjako; ₂₂masisondele sinentliziyo yenyaniso ekuqiniseni okuzalisekileyo kwokolo, sihlanziwe intliziyo zetu eluvalweni olukohlakeleyo, nomzimba sihlanjiwe ngamanzi amhlope: ₂₃siti imvumelo yetemba letu siqinise ukuyibamba ingenakushukuma; ngokuba enyanisekile lowo owabeka amadinga: ₂₄siti kanjalo sikumbulelane ukuba sivuselele utando nemisebenzi elungileyo: ₂₅singashiyi nje ukuzihlanganisana kwetu, njengokuba linjalo isiko lenxenye, koko siyalana: nisenje njalo kakulu ngakumbi, njengoko nibonayo ukuba umhla uyasondela.

₂₆Ngokuba, xeshekweni sonayo ngokuvuma, emveni kwokuba sikwamkele ukwaziwa kwenyaniso, kungasabi sasala idini ngenxa yezono; ₂₇kodwa kuko ukulinda okwoyikekileyo kakulu kwokugwetywa, nozondo oluvutayo luza kubadla abaca̔sayo. ₂₈Umntu akulahla umteto ka‐Mosesi, wafa ngapandle kwetaṙu ngamanqi̔na amabini umhlaumbi amatatu: ₂₉kukubetwa okubi ngakumbi kangakananina niba uya kubalelwa ukuba ufanele kona, lowo ute unyana katixo wamnyatela pantsi, negazi locebano walibala ukuba yinto enco̔lileyo, elo wenziwa ngcwele ngalo, nomoya wofefe wamdela? ₃₀Ngokuba simazi owatshoyo ukuti: Kukokwam ukupindezela, kwobuyekezwa ndim; utsho uyehova. Nakanjako: Uyehova uya kulungisa abantu bake. ₃₁Kuyinto eyoyikekileyo ukweyela ezandleni zotixo ohleliyo.

₃₂Kodwa zikumbuzeni imihla yangapambili, enanite kuyo, nakukanyiswa, nanyamezela ukulwa okukulu nentlungu: ₃₃ngenxenye, ukuba nibe nisenziwa isibonelwa ngezituko nangembandezelo; nangenxenye, ukuba naba ngamakolwane abo babesekuhlaleni okunjalo. ₃₄Ngokuba nibe nivana nam ekubanjweni kwam, navumela ngovuyo ukupangwa kwempahla zenu, nisazi ukuba ninayo kuni ngokwenu imfuyo elungileyo ngakumbi ezulwini nehlala ihleli. ₃₅Ize ningaposi nxamnye ngoko ukalipo lwenu, olunawo umvuzo omkulu.

₃₆Ngokuba nifanele ukuba nomonde, ukuze niti, nakuba niyenzile intando katixo, nikwamkele okubekiweyo ngedinga. ₃₇Ngokuba kuselixeshana elincinanana, waeya kwand’ ukuti lowo uzayo eze, angalibali ke. ₃₈Kodwa olungileyo uya kupila ngokolo: kanti xeshekweni ahlehlayo, umpefumlo wam awukoliswa nguye. ₃₉Tina kodwa asingababo bahlehlela entshabalalweni, koko singababo bakolwayo kube kukusindiswa kwompefumlo.