1Yitini kubazalwana benu: Ami; nakubo odade benu: Ruhama.
2PIKANI nonyoko, pikani; ngokuba engenguye umfazi wam, kanjako andiyiyo indoda yake; ukuba akwelelise imibulo yake ebusweni bake, nemiṙexezo yake kwa pakati kwamabele ake: 3hleze ndimhlube abe zé, ndimmise njengasemhleni wazalwayo, ndimenze njengalo ubala, ndimbeke njengelizwe elomileyo, ndimfise ngenxanwa. 4Nabantwana bake andiyi kuba nenceba ngakubo, ngokuba bengabantwana bemibulo bona. 5Ngokuba unina wabo enzile umbulo, owabazalayo wenzile ngento ehlazekileyo, ngokuba ebesiti: Ndolandela abatandi bam, abapayo isonka sam namanzi am, uboya bam nefelase yam, ioli yam nento zokusela zam.
6Ngako oko, bona ke, ndobiyela indlela yako ngameva, ndolwenza udonga, ukuba angafumani imizila yake. 7Waeya kuputuma abatandi bake, kanti akayi kufikelana nabo; wobafuna ke, kanti akayi kubafumana: uya kwandula ati: Ndoya ndibuyele kweyokuqala indoda yam, ngokuba bekulungile kum oko ngapezu kwakaloku, 8Ngokuba ebengazi ukuba ndim owampayo inqolowa, neveyine entsha, neoli; nokuba ndamandisela isilivere negolide, ekungazo benza o‐Bali. 9Ngako oko ndobuya nditabate inqolowa yam ngexesha layo, neveyine entsha yam ngomzuzu wayo; ndandiya kususa uboya bam nefelase yam, ezipiweyo ukugubungela ubuzé bake. 10Nakaloku ndiya kutyila ubuhlazo bake ebusweni babatandi bake: akuko namnye oya kumhlangula esandleni sam. 11Ndandiya kupelisa wonke umgcobo wake, imitendeleko yake, inyanga ezitwasileyo zake, nesabata zake, nazo zonke intlanganiso zake ezimiselweyo. 12Kanjalo ndiya kuci̔takalisa imiti yake yeveyine nemikiwane yake, owati ngayo: Le ingumvuzo wam, endipiwe wona ngabatandi bam; ndandiya kuyenza ibe lihlati, nezilo zasendle zoyidla. 13Ndomohlwayela imihla yo‐Bali, leyo wabaqu̔misela ngayo, wazihomba ngemisesane yempumlo nangezambalo, wabalandela abatandi bake, wandilibala mna, utsho uyehova.
14Ngako oko, bona ke, ndiya kumcenga, ndimkapele entlango, nditete kuyo intliziyo yake. 15Ndandiya kumnika imiyezo yake kwa lapo, nomhlambo we‐Hakore ube lituba letemba: waeya kuvuma kona, njengasemihleni yobutsha bake, nanjengasemhleni wenyuka ngawo elizweni le‐Jipete. 16Kwakuya kuti ngomhla lowo, utsho uyehova, uya kundibiza ngokuti: Ishi; akusayi kundibiza ngokuti: Bali. 17Ngokuba ndiya kususa amagama o‐Bali emlonyeni wake, baye bona bengasayi kukunjulwa ngegama labo. 18Ndandiya kuti ngomhla lowo ndibenzele ucebano kunye nezilo zasendle, nakunye nentaka zezulu nezinambuzane zomhlaba: nesipeta, nesiṙele, nezixo̔bo zokulwa, ndozapula ndiziku̔pe elizweni, ndandiya kubenza bati tyambalala ngokunqaba. 19Ndokuxamela kum kude kube ngunapakade; ndokuxamela kum kwa ngobulungisa, nangobugwebo, nangobubele, nangenceba. 20Ewe, ndokuxamela kum ngenyaniso; wauya kumazi uyehova. 21Kwakuya kuti ngomhla lowo, ndiya kupendula, utsho uyehova, ndiya kupendula amazulu, nawo wona opendula umhlaba, 22nomhlaba wopendula inqolowa, neveyine entsha, neoli, nazo zona ziya kupendula i‐Yezerele. 23Ndandiya kuyihlwayelela mna emhlabeni, ndoba nenceba ngakuye u‐Lo‐ruhama; ndandiya kuti ku‐Lo‐ami: Wena ungabantu bam; boti bona: Tixo wam!
