U‐Hosheha 7

₁EKUBUYISENI kwam ukutinjwa kwabantu bam, nxa bendipilisa u‐Sirayeli, kwandula kwatyilwa ukwona kuka‐Frayime, nezenzo ezikohlakeleyo ze‐Samariya; ngokuba benzile ngenkohliso; isela liyangena, iqela lamabada liyapanga ngapandle. ₂Abatsho entliziyweni yabo ukuti, konke ukukohlakala kwabo ndikukumbule; kaloku izenzo zabo ziyabaṙaula; ziko pambi kwobuso bam. ₃Bayavuyisa ukumkani ngenkohlakalo yabo, nenkosana ngelwimi zabo. ₄Bangabaṙexezi bonke; banjengeziko lifudunyezwe ngumoji; oyekayo ukukwezela, emva kwokuyibuca intlama, ide ifukukiswe. ₅Ngomhla wokumkani wetu, inkosana ziyamenzela isifo ngobushushu beveyine; uyazolula izandla zake kunye nabagxeki. ₆Ngokuba zisondeza intliziyo yazo, njengeziko, ekulaleleni kwazo; umoji wazo uyalala butongo ubusuku bonke; kwakusa iyatsha njengomlilo odangazelayo. ₇Bashushu bonke njengeziko, bayabadla abagwebi babo; okumkani babo bawile bonke: akuko namnye pakati kwabo obizayo kum.

₈U‐Frayime uyazidibanisa nezizwe; u‐Frayime usisonkana esingapetulwanga. ₉Abasemzini bayawadla amandla ake, kanti yena akazi; ewe, izimvi zite sa pezu kwake, kanti yena akazi. ₁₀Ir̔atshi lika‐Sirayeli liyanqi̔na ngasebusweni bake; kodwa abaguqukeli kuyehova utixo wabo, abamfuni kanjalo ngako oku konke. ₁₁U‐Frayime unjengehobe elinyabileyo, lingenangqondo; bayabizela e‐Jipete, bayaya e‐Asiriya. ₁₂Nxa bayayo, ndolwaneka pezu kwabo utambo lwam; ndobahlisa njengentaka zezulu; ndobabeta, njengokuba kuviwe entlanganisweni yabo. ₁₃Makube nzima kubo! ngokuba bendibalekile; imbujiswa maibe pezu kwabo! ngokuba beqipukelene nam; nangona ndim owabakululayo, bate bona noko baziteta ilwimi ngakum. ₁₄Abakalanga kum ngentliziyo yabo, nxa balilayo ezililini zabo: bayabutelana ngenxa yenqolowa neveyine entsha; bayahlukana nam. ₁₅Ndibalulekile; ndizomelezile ingalo zabo; bayandiqingela okubi noko. ₁₆Bayaguquka, kodwa abaguqukeli kopezu kwonke; banjengesipeta esikohlisayo; inkosi zabo zowa ngesiṙele, ngenxa yokuṙala kwolwimi lwazo: oku kwoba sisihlekiswa sabo elizweni le‐Jipete.