1Ngokuba uyehova eya kuba nenceba pezu kwo‐Yakobi, abuye aqashe o‐Sirayeli, abahlalise kowabo umhlaba; nabasemzini baya kuzibandakanyela kubo, baya kunamatela kwindlu ka‐Yakobi. 2Baye abantu beya kubatabata, babazise endaweni yabo: yoti indlu ka‐Sirayeli ibafuye emhlabeni kayehova njengezicaka nanjengezicakakazi; baya kutimba abo babetinjiwe ngabo, bapate pezu kwababandezeli babo.
3Kwakuya kuti emhleni uyehova aya kukunika ukupumla ebuhlungwini bako, nasesitukutezini sako, nasenkonzweni elukuni ubukonziswa ngayo; 4uya kwandula ukuteta lengoma ngaye ukumkani we‐Babilone, uti:
Hai ukupela kwombandezeli! ukupela kwombangikazi wegolide! 5Uyehova wapule intonga yabakohlakeleyo, uswazi lwabapati. 6Owabeta abantu ngomsindo ngokubeta okungenakupela, owapata izizwe ngengqumbo, usukelwe, kungeko otintelayo. 7Wonke umhlaba uyapumla, wonwabile; bayagqabukela ekuculeni. 8Ewe, imiti yeberoshe iyakuvuyela, nesedare zase‐Lebanone, zisiti: Kuseloko uleleyo, akuko mgauli onyukeleyo ngakuti. 9Ihadesi yasezantsi iyazanyazanyiswa ngenxa yako, ukuya kukukaulela ekungeneni kwako; iyakuvusela abafileyo, bonke abakokeli bomhlaba; iyabenza basuke eziteroneni zabo bonke okumkani bezizwe. 10Aba bonke baya kuteta, bati kuwe: Ude waba butataka njengati nawe na? ude wafana nati na? 11Ubungangamsha bako buhliselwe ehadesi, nentlokoma yeziculiso zako; ngapantsi kwako kwandlelwe izibungu, nesigubungelo sako zimpetu. 12Hai ukuwa kwako ezulwini, kwezindini, nyana wokusa! hai ukugaulelwa kwako emhlabeni, wena owawisa pantsi izizwe! 13Owabusiti entliziyweni yako: Ndonyukela ezulwini; pezulu pezu kwenkwenkwezi zikatixo ndiya kupakamisa iterone yam; ndohlala entabeni yentlanganiso, emacaleni asenode; 14ndiya kunyuka pezu kwobude bamafu; ndozifanisa nopezu konke. 15Kodwa uyahliselwa ehadesi, emacaleni esihogo. 16Abo bakubonayo bokukangela, bakugqale, bati: Nguye ke na lowamntu owazamazamisa umhlaba, owangcangcazelisa izikumkani, 17owawenza umhlaba omiwayo njengentlango, nezixeko zawo wazicita, nababanjwa bake akabavulelanga indlela yokugoduka? 18Bonke okumkani bezizwe, bona bonke balele ebungcwaliseni, abanye ngabanye emadlakeni abo; 19kanti wena ulahliwe ngapandle kwencw̔aba lako, njengesebe elitiyekileyo; ugujungelwe ngababuleweyo, abahlatyiweyo ngesiṙele, abahlela ematyeni esihogo; njengesidumbu esinyatelweyo. 20Akuyi kubandakanywa nabo ekuncw̔atyweni; ngokuba ilizwe lako ulitshabalalisile, nabantu bako ubabulele: inzalo yabenzi bokungalungileyo abasayi kudunyiswa napakade. 21Lungiselani abantwana bake ukubulawa, ngenxa yenkohlakalo yoyise babo, ukuze bangesuki, bangalifuyi ilizwe, bangasalisi ubuso bomhlaba omiwayo ngezixeko kanjako. 22Ngokuba ndiya kusukela ngakubo, utsho uyehova wemikosi; ndandiya kunqamlela i‐Babilone igama nesisalela, kwa nonyana nesalamane, utsho uyehova. 23Ndandiya kuyenza ibe yimfuyo yencanda, namacibi amanzi; ewe, ndoyitshayela ngomtshayelo wokutshabalalisa, utsho uyehova wemikosi.
24UFUNGILE uyehova wemikosi, ngokuti: Ngenyaniso njengoko ndicingileyo, kwoba njalo, nanjengoko ndicebileyo, kwoma njalo! 25ukuba ndiya kwapula um‐Asiriya elizweni lam, nokuba ndiya kumnyatela pezu kwentaba zam; yandule iyokwe yake imke kubo, nomtwalo wake ususwe egxalabeni labo. 26Eli licebo elicetyiweyo ngawo wonke umhlaba; nesi sisandla esoluliweyo pezu kwazo zonke izizwe. 27Ngokuba nguyehova wemikosi ocebileyo, ngubanina ongatshabalalisayo? sisandla sake esoluliweyo, ngubanina ongasinqandayo?
28NGOMNYAKA wokufa kwokumkani u‐Ahazi, kwabako lomgwebo wokuti:
29Ungavuyi, wena Filistiya yonke! ukuba intonga ekubetileyo yapukile: ngokuba engcanjeni yenyoka kuya kupuma ibasiliske, nesiqa̔mo sayo soba yinyoka ebumliloṙa epapazelayo. 30Andule amazibulo amahlwempu adle, nabasweleyo balale pantsi ngokunqaba; kodwa ingcambo yako ndoyibubisa ngendlala, nesisalela sako siya kubulawa. 31Lila, lisango! kala, sixeko! unyibilikile, wena Filistiya yonke! ngokuba kuvela enode umsi, kungeko oyedwa emihlambini yake. 32Kuze kupendulwe nto nina kwizigidimi zesizwe? Kukuba uyehova umisile i‐Ziyone, nokuba ababandezelwa babantu bake bopepela kuyo.
