1Ngalomihla bekungeko ukumkani kwa‐Sirayeli.
Kekaloku ngalomihla isizwe sama‐Dane sazifunela ilifa lokuhlala; ngokuba kwada kwangumhla lowo belingawanga kuso pakati kwezizwe zo‐Sirayeli ilifa elisaneleyo. 2Ngako usapo luka‐Dane lwasusa kwisizalwane salo amadoda amahlanu emideni yalo, amadoda angamaṙoti, e‐Tsoreha nase‐Shetawoli, ukuya kuhlola ilizwe, nokulipengulula, lwati kuwo: Hambani, nipengulule ilizwe. Ada afika entabeni yakwa‐Frayime, endlwini ka‐Mika, alalisa kona. 3Ati akuba ngasendlwini ka‐Mika, alazi ilizwi lendodana engum‐Levi; asuka apambukela kona, ati kuyo: Ngubanina okuzisileyo apa? wenza nto nina kulendawo? unanto nina apa? 4Yayisiti kuwo: Ngokunje nangokunje wandenzela u‐Mika, wandiqasha, ndaza ndaba ngumperisite wake. 5Andula ati kuyo: Kaubuze kutixo, ukuze sazi ukuba indlela yetu esihamba ngayo iya kutamsanqeleka na. 6Wati kuwo umperisite lowo: Hambani ngoxolo; ipambi kwoyehova indlela yenu enihamba ngayo.
7Andula ahamba lomadoda mahlanu, aza kufika e‐Layishe, abona abantu abapakati kwayo, ukuba bahlala ngokunqaba, njengesiko lama‐Tsidone, bonwabile, benqabile; kwaye kungeko umpati wamandla elizweni obadanisayo nganto; babekude kuma‐Tsidone, bengenamsebenzi nabanye abantu. 8Ada afika kubazalwana bawo e‐Tsoreha nase‐Shetawoli. Baza abazalwana bawo bati kuwo: Niti nina? 9Ayesiti: Sukani, sinyukele ngakubo; ngokuba sibonile elozwe, kekaloku bona ke, lilungile kunene: nina kanti niti tu nje! ninganqeni ukuhamba, ningene, nibambe elozwe. 10Nxa nihambayo, niya kuza ebantwini abasekunqabeni, naselizweni elibanzi kakulu: ngokuba utixo elinikele esandleni senu: indawo apo kungeko kona ukusweleka kwenye into esemhlabeni.
11Andula anduluka kona kwisizalwane sama‐Dane, e‐Tsoreha nase‐Shetawoli, amadoda angamakulu matandatu abinqiweyo ngezixo̔bo zokulwa. 12Enyuka ke, ati waca e‐Kiriyate‐yarime, kwa‐Juda: ngako oko kwabizwa londawo ngokuti yi‐Mahane‐dane kwada kwanamhla nje; bona ke, ingasemva kwe‐Kiriyate‐yarime. 13Aza agqita kona aya entabeni yakwa‐Frayime, ada afika endlwini ka‐Mika. 14Andula ateta lomadoda mahlanu abehambile ukuhlola ilizwe lase‐Layishe, ati kubo abazalwana bawo: Niyazi na ukuba kuko ezindlwini ezi iyefodi, neterafi, nomfanekiso oqingqiweyo, nomfanekiso otyityishiweyo; ngako yazini kaloku, niya kwenza nto nina? 15Asuka apambukela kona, eza kuyo indlu yendodana engum‐Levi, indlu ka‐Mika, ayibuza ukupila kwayo. 16Ati lomadoda angamakulu matandatu abinqiweyo ngezixo̔bo zokulwa, abengabosapo luka‐Dane, ema emnyango wesango. 17Kodwa lomadoda mahlanu abehambile ukuhlola ilizwe enyuka, angena kona, atabata umfanekiso oqingqiweyo, neyefodi, neterafi, nomfanekiso otyityishiweyo: waye umperisite wema emnyango wesango kunye nalomadoda angamakulu matandatu abinqiweyo ngezixo̔bo zokulwa. 18Kwa njalo lamadoda angena endlwini ka‐Mika, atabata umfanekiso oqingqiweyo, neyefodi, neterafi, nomfanekiso otyityitshiweyo. Wandula umperisite wati kuwo: Nenza nto nina? 19Aza ati kuye: Yiti tu, beka isandla sako pezu kwomlomo wako, uhambe nati, ube ngubawo nomperisite kuti: kulungile na ukuba ube ngumperisite kwindlu yendoda inye, umhlaumbi ukuba ube ngumperisite kwisizwe nakwisizalwane kwa‐Sirayeli kusinina? 20Yaza yacwayita intliziyo yalomperisite; watabata iyefodi, neterafi, nomfanekiso oqingqiweyo, wangena pakati kwabantu. 21Andula ajika emka, abeka intsapo, nenkomo, nendyebo, pambi kwawo.
22Xeshekweni abekude wona kuyo indlu ka‐Mika, andula abizelwa ndawonye amadoda abesezindlwini ezibe zikufupi nendlu ka‐Mika, ati nama ukuputuma usapo luka‐Dane. 23Aza amemeza kulo usapo luka‐Dane; olwajikisa ubuso balo, lwati ku‐Mika: Unanina, ukuba nibizelwe ndawonye? 24Wayesiti: Nitabatile otixo bam endibenzileyo, nomperisite, nemka ke; yinto nina ke endisenayo? yinto nina nalento nitshoyo ukuti: Unanina? 25Lwaza usapo luka‐Dane lwati kuye: Ilizwi lako malingaviwa pakati kwetu, hleze amadoda ampefumlo uṙaṙa aniwele, bususwe ubomi bako, nobomi babendlu yako. 26Lwasuka lwahamba usapo luka‐Dane ngendlela yalo: wati u‐Mika, akubona ukuba lunamandla amakulu kwawake, wajika wabuyela endlwini yake.
27Lwandula lwatabata oko abekwenzile u‐Mika, nomperisite abenaye, lweza e‐Layishe, kubo abantu abasekwonwabeni nasekunqabeni, lwababeta ngohlangoti lweṙele, lwatshisa isixeko ngomlilo. 28Kwaye kungeko umsindisi, ngokuba besikude ne‐Tsidone, bebengenamsebenzi nabanye abantu kanjako; sasisemhlanjeni ongase‐Bete‐rehobi.
Lwaza lwaka isixeko, lwahlala kuso. 29Lwaye lubiza igama lesixeko ngokuti yi‐Dane, ngegama lika‐Dane uyise walo, obezelwe ku‐Sirayeli; kodwa beliyi‐Layishe igama lesixeko eso ngapambili. 30Lwandula usapo luka‐Dane lwazipakamisela umfanekiso lowo oqingqiweyo; no‐Jonatane, unyana ka‐Gereshome, unyana ka‐Manase, yena nonyana bake baba ngabaperisite kwisizwe sama‐Dane kwada kwangumhla wokutinjwa kwelizwe. 31Lwazimisela umfanekiso oqingqiweyo ka‐Mika, lowo abewenzile, yonke imihla yokubako kwendlu katixo e‐Shilo.
