1Utsho uyehova ukuti: Bona ke, ndiya kuvusa ngakuyo i‐Babilone, nangakubo abahlala pakati kwabandisukelayo, umoya otshabalalisayo. 2Ndandiya kutuma e‐Babilone abeli, abaya kuyela, balenze zé ilizwe layo: ngokuba beya kuba ngakuyo ngokungqonga ngomhla welishwa. 3Umtoli makatyede isipeta sake, ngakulowo utyedayo, nangakulowo uzipakamisayo ngehempe yentsimbi yake: kanjalo ningabi nabubele ngakuwo amadodana ayo, lahlelani ekutshatyalalisweni wonke umkosi wayo. 4Ababuleweyo baya kuwa elizweni lama‐Kaledine, nabahlatyiweyo ezitarateni zayo. 5Ngokuba u‐Sirayeli engengoshiyiweyo, no‐Juda, ngutixo wake, nguyehova wemikosi; nangona ilizwe labo lizele lityala pambi kwoyingcwele ka‐Sirayeli. 6Sabani kwa pakati kwe‐Babilone, nisindise abanye ngabanye ubomi babo; ningabujiswa ekukohlakaleni kwayo; ngokuba lixesha lempindezelo kayehova eli, oya kuyivuza ngokuyifaneleyo. 7I‐Babilone ibiyindebe yegolide esandleni sikayehova, inxilisa umhlaba wonke; izizwe ziselile kwiveyine yayo; ngako oko izizwe ziyageza. 8Ngesiqupe iwile i‐Babilone yatiwa shwaqe; lilani pezu kwayo; tabatelani ubuhlungu bayo itsori, ingaba iya kupiliswa. 9Besiya kupilisa i‐Babilone, kodwa ayipiliseki: yishiyeni, masiye abanye ngabanye kwelakowabo ilizwe; ngokuba ukugwetywa kwayo kufikela ezulwini, kupakanyiselwe nasesibakabakeni. 10Uyehova uvelisile ubulungisa betu; yizani, masiwubalise e‐Ziyone umsebenzi kayehova, utixo wetu.
11Kazimlisani intolo, zalisani amakaka; uyehova uvusile umoya wokumkani bama‐Medi; ngokuba iqinga lake lingakuyo i‐Babilone, ukuba ayitshabalalise; ngokokuba yimpindezelo kayehova, impindezelo yetempile yake. 12Pakamisani ibanile ezindongeni ze‐Babilone, yomelezani umlisela, misani abalindi, lungisani abalaleli; ngokuba uyehova selekuqingile, selekwenzile kanjalo, oko wakutetayo ngabo abemi base‐Babilone. 13Wena umiyo ngasemanzini amakulu, ondyebo zininzi! kufikile isipelo sako, isilinganiswa sempango yako. 14Uyehova wemikosi uzifungile yena, ngokuti: Ngenyaniso ndokuzalisa ngamadoda njengeziboto, aeya kuhlabela umemezo lwokulwa ngakuwe. 15Wawenza umhlaba ngamandla ake, wamisa ilizwe ngobulumko bake; nangengqondo yake wawolula amazulu. 16Nxa aku̔pa ilizwi lake, kuko ingxokolo yamanzi ezulwini; uyenyusa amafu esipelweni somhlaba; uyenza imibane kunye nemvula; nomoya uyawuvelisa ezimbekelweni zake. 17Badolile abantu bonke bengenakwazi; badanele umfanekiso bonke abatyityishi: ngokuba umfanekiso otyityishiweyo wake ububuxoki; akuko umoya kuyo. 18Yinto engendawo yona, umsebenzi wezigculelo: ngexesha lokwohlwaywa kwayo iya kutshabalala. 19Osisabelwa sika‐Yakobi akanjengalé; ngokuba yena engumdali wento zonke; no‐Sirayeli uyintonga yelifa lake: nguyehova wemikosi igama lake.
20Wena ungumvinqikazi wam, izixo̔bo zokulwa zam: ngokuba ngawe ndiya kucita izizwe, nangawe ndotshabalalisa izikumkani. 21Kwa ngawe ndiya kucita ihashe nomkweli walo; nangawe ndiya kucita inqwelo nokwele kuyo. 22Kwa ngawe ndiya kucita indoda nomfazi; nangawe ndiya kucita ixego nomfana; nangawe ndiya kucita indodana nentombi. 23Kwa ngawe ndiya kucita umalusi nomhlambi wake; nangawe ndiya kucita umlimi nesipane sake; nangawe ndiya kucita inkosi nenkosana. 24Ndandiya kupindezela kwi‐Babilone, nakubo bonke abemi base‐Kaledine, yonke inkohlakalo yabo abayenzileyo e‐Ziyone pambi kwamehlo enu, utsho uyehova. 25Bona ke, mna ndingakuwe, wena ntaba etshabalalisayo! utsho uyehova, etshabalalisayo umhlaba wonke: ndandiya kwolula isandla sam pezu kwako, ndikuqengqe emaweni, ndikwenze intaba etshisiweyo. 26Kwaye kungayi kususwa kuwe ilitye legumbi, nelitye lemisekelo; koko uya kuba yingcitakalo engunapakade, utsho uyehova. 27Pakamisani ibanile emhlabeni, vutelani ngexilongo pakati kwezizwe, yahlulani izizwe ngakuyo, bizani ngakuyo izikumkani zase‐Ararate, ne‐Mini, ne‐Shekenaze; miselani ngakuyo inkosi yamasodati; nyusani amahashe njengeziboto ezilixonti. 28Yahlulani izizwe ngakuyo, okumkani base‐Medi, inkosi zayo, nawo onke amagosa ayo, nalo lonke ilizwe lobukosi bake. 29Wauya kuti umhlaba ungcangcazele, ututumbe; ngokuba amaqinga kayehova ngakuyo i‐Babilone eya kuma, okulenza ilizwe le‐Babilone ingcitakalo, lingenabemi. 30Amagoṙa ase‐Babilone ayekile ukulwa, ahleli emanqabeni; butshitshile ubugoṙa bawo, aba ngabafazi: intlalo zayo zitshisiwe, imivalo yayo yapukile. 31Isigidimi siyagidima ukuhlangana nesigidimi, nombiki ukuhlangana nombiki, ukuya kubika kukumkani we‐Babilone ukuba isixeko sake sibanjiwe sipela; 32nokuba amazibuko atinjiwe, nengcongolo bazitshisile ngomlilo; nokuba amadoda okulwa abetwe livuso.
33Ngokuba esitsho uyehova wemikosi, utixo wo‐Sirayeli, ukuti: Intombi yase‐Babilone ifana nesibaya sokubula, ngexesha lokunyatelwa kwaso; kuseko umzuzwana, kwandule ukufika ixesha lokuvuna kuyo.
34U‐Nebukanetsare ukumkani we‐Babilone undidlile, undipitizelisile, undenzile isitya esizé, undiginyile njengenamba, uzalisile isisu sake ngezimnandi zam, undigxotile. 35Ubudlwengu obenzelwe mna nabayinyama yam mabube pezu kwe‐Babilone! uya kutsho umhlalikazi wase‐Ziyone: kanjalo, Igazi lam malibe pezu kwabemi base‐Kaledine! iya kutsho i‐Yerusaleme. 36Ngako oko utsho uyehova ukuti: Bona ke, ndiya kupikisa upikiso lwako, ndipindezele nempindezelo yako; ngokuba ndiya kutshisa ulwandle lwayo, ndiwomise nomtombo wayo. 37Ne‐Babilone yona yoba zimfumba, indawo yokuhlala yempungutye, into yokutelwa nqa, neyokwenzelwa amakwelo, ingenabemi. 38Baya kugquma ndawonye njengengonyama; baya kukonya njengamatole engonyamakazi. 39Ebushushwini babo ndiya kuyenza imitendeleko yabo, ndibanxilise, ukuze bagcobe, balale ubutongo obungunapakade, bangezi bavuke, utsho uyehova. 40Ndobahlisela njengemvana ekuxe̔lweni, njengenkunzi zegusha nezebokwe.
41Injanina i‐Sheshaki ukubanjwa, nendumiso yomhlaba wonke ukutinjwa! Injanina i‐Babilone ukuba yinto yokutelwa nqa pakati kwezizwe! 42Ulwandle lunyukele pezu kwe‐Babilone; ngobuninzi bamaza alo iselelwe. 43Izixeko zayo ziba yingcitakalo, ilizwe elomileyo, nobala, ilizwe ekungeko namnye umntu ohlala kulo, nekungeko unyana womntu odlulayo pakati kwalo. 44Ngokuba ndiya kumohlwaya u‐Bele e‐Babilone, ndiku̔pe oko akuginyileyo emlonyeni wake, ziti izizwe zingabuyi zele kuye; ewe, udonga lwe‐Babilone luya kuwa.
45Pumani kwa pakati kwayo, bantu bam! nisindise abanye ngabanye ubomi babo ebushushwini bengqumbo kayehova. 46Maingabi butataka intliziyo yenu, ningoyiki kanjalo, ngenxa yeṙeto eliya kuviwa elizweni; ngokuba kuya kuza ngomnye umnyaka iṙeto, nasemva kwawo ngomnye umnyaka iṙeto; kwobako ubudlwengu elizweni, inkosi ngakuyo inkosi. 47Ngako oko, bona ke, imihla iyeza, nxa ndiya kwohlwaya imifanekiso eqingqiweyo yase‐Babilone, laye lonke ilizwe layo liya kudana; kanjako bonke ababuleweyo bayo baya kuwa pakati kwayo. 48Ziya kwandula zigcobe pezu kwe‐Babilone izulu nomhlaba, nako konke okukuzo; ngokuba abacitakalisi beya kuza kuyo bevela enode, utsho uyehova. 49Ewe, i‐Babilone iza kuwa, nina babuleweyo bakwa‐Sirayeli! ewe, abase‐Babilone baya kuwa, nina babuleweyo bomhlaba wonke! 50Nina basindileyo eṙeleni! hambani, ningemi: kumbulani uyehova nikude, iti i‐Yerusaleme ingene entliziyweni yenu. 51Sibe sidana, ngokokuba sivile isigxeko; ihlazo lagubungela ubuso betu; ngokokuba abasemzini bengenile ezindaweni ezingcwele zendlu kayehova. 52Ngako oko, bona ke, imihla iyeza, utsho uyehova, nxa ndiya kwohlwaya imifanekiso eqingqiweyo yayo, nanxa kulo lonke ilizwe layo inxweleṙa ziya kugula. 53Nangona i‐Babilone ibiya kukwela kwa sezulwini, ewe nangona ibiya kunqabisa indawo epezulu yamandla ayo, baya kuza kuyo abacitakalisi bevela kum, utsho uyehova.
54Kuko intlokoma yesikalo ivela e‐Babilone, neyembujiswa enkulu ivela elizweni lama‐Kaledine. 55Ngokuba uyehova ecitakalisa i‐Babilone, seleyibubisile kuyo intlokoma enkulu; amaza ayo ayagquma njengamanzi amakulu, kunikiwe ingxokozelo yentlokoma yawo. 56Ngokuba kufikile ngakuyo, ngakuyo i‐Babilone, umcitakalisi; amagoṙa ayo aya kubanjwa, izipeta zawo ziya kwapulwa: ngokuba uyehova e ngutixo wempindezelo, uya kukolisa ukuvuza. 57Ndandiya kunxilisa inkosana zayo, namalumko ayo, inkosi zayo, namagosa ayo, namagoṙa ayo; abaya kulala ubutongo obungunapakade, bangezi bavuke, utsho ukumkani, ogama li nguyehova wemikosi.
58Utsho uyehova wemikosi ukuti: Udonga lwe‐Babilone olubanzi luya kugqityelwa ukucitwa, namasango ayo amade aya kutshiswa ngomlilo; zaye izizwe ziya kuzamela okungento, zozamela umlilo, zidinwe ke.
59Ilizwi u‐Jeremiya umprofite wamyalelayo u‐Seraya, unyana ka‐Neriya, unyana ka‐Mahaseya, akusuka ku‐Zedekiya ukumkani wo‐Juda ukuya e‐Babilone, ngowesine umnyaka wobukumkani bake. Kekaloku u‐Seraya ebeyinkosi yokupumla. 60Waza u‐Jeremiya waba̔la lonke ilishwa eliya kuza pezu kwe‐Babilone encwadini, onke lamazwi aba̔liweyo ngakuyo i‐Babilone. 61Wayesiti u‐Jeremiya ku‐Seraya: Nxa ufikayo e‐Babilone, uwabone, uwaleseshe onke lamazwi, 62uya kwandula uti: Yehova! utetile wena ngakuyo lendawo ukuyitshabalalisa, ukuba kungabiko ohlala kuyo, kwa nomntu nesilo, kodwa ibe yingcitakalo engunapakade. 63Kwakuya kuti, wakugqiba ukulesesha incwadi le, uya kunxiba ilitye pezu kwayo, uyipose pakati kwom‐Ferate; 64wauya kuti: Iya kwenje njalo ukuntywila i‐Babilone, ingabuyi isuke elishweni endilizisa pezu kwayo; babeya kudinwa.
Kude kube lapa ngamazwi ka‐Jeremiya.
