1KEKALOKU ngolwokuqala usuku lweveki weza u‐Mariya wase‐Magadala kusasa, kwakuba kusebumnyama, encw̔abeni, wabona ukuba ilitye lisusiwe encw̔abeni. 2Wandula wagidima, waya weza ku‐Simone Petrosi, nakulomdisipile omnye obetandwa ngu‐Yesu, wati kubo: Bayisusile inkosi encw̔abeni, asazi ke bayibekile pina.
3Wapuma ngoko u‐Petrosi, nalomdisipile omnye, baya ukuya encw̔abeni. 4Babegidima ke bobabini kunye: waza lomdisipile omnye wampangela u‐Petrosi, ebaleka ngamendu amakulu kwawake, wafika tanci encw̔abeni: 5wati etobile pantsi wabona iqiya zokubopa zilele; kodwa akangena noko. 6Kwandula kweza u‐Simone Petrosi emlandela, wangena encw̔abeni, wabona iqiya zokubopa zilele, 7neqiya ebisentlokweni yake, ingalali neqiya zokubopa, koko isongelwe kwenye indawo iyodwa. 8Wandula ngoko wangena nalomdisipile omnye, lowo wafika tanci encw̔abeni, wabona naye, wakolwa. 9Ngokuba bebengekasazi isiba̔lo, sokuba ufanele ukuvuka ekufeni. 10Baza bemka abadisipile abo babuya bagoduka.
11Kodwa u‐Mariya ebemi ngasencw̔abeni ngapandle elila; nxa abelila ke, watobela pantsi encw̔abeni, 12wabona ingelosi zambini zinezivato ezimhlope zihleli, enye ngasentloko, enye ngasezinyaweni, apo umzimba ka‐Yesu ubulele kona. 13Zaza zati zona kuye: Mfazi! ulilela nina? Wati kuzo: Kuba beyisusile inkosi yam, ndingazi ke bayibekile pina. 14Waza akuba etshilo wajikela mva, wambona u‐Yesu emi; kanti ebengazi ukuba nguye u‐Yesu. 15Wati u‐Yesu kuye: Mfazi! ulilela nina? ufuna banina? Yena eba ungumlimi womyezo, wati kuye: Nkosi! ukuba uyisusile apa, ndixelele apo uyibekile pina, ndaudiya kuyitabata. 16Wati u‐Yesu kuye: Mariya! Wajika yena, wati kuye: Raboni! (oko kukuti: Mfundisi!) 17Wati u‐Yesu kuye: Ungandicu̔kumisi; ngokuba ndingekanyukelanga kubawo: kodwa yiya kubazalwana bam, uti kubo: Ndiyanyukela kuye ubawo wam noyihlo wenu, kwa utixo wam notixo wenu.
18Weza u‐Mariya wase‐Magadala washumayela kubadisipile okokuba uyibonile inkosi, nokuba yateta ezizinto kuye.
19Kwati kekaloku kwakuba kukuhlwa, ngolosuku ke, ngolwokuqala lweveki, ingcango zivaliwe nje apo abadisipile bebehlanganisene kona ngenxa yokwoyika ama‐Juda, weza u‐Yesu wema pakati, wati kubo: Uxolo malube kuni! 20Waza akuba etshilo wababonisa izandla zake necala lake. Bandula bavuya abadisipile bakuyibona inkosi. 21Wandula u‐Yesu wati kubo kanjako: Uxolo malube kuni! njengokuba ubawo enditumile mna, kwa njalo nam ndiyatuma nina. 22Waza akuba etshilo wapefumla pezu kwabo, wati kubo: Yamkelani umoya oyingcwele: 23abo nisukuba nizikulula izono zabo, ziyabakululelwa: abo nisukuba nizibamba ezabo, zibambekile.
24Kodwa u‐Tomasi, omnye wakubo abalishumi linababini, o‐kutiwa ngu‐Didimusi, ebengeko nabo oko wezayo u‐Yesu. 25Baye besiti ngoko kuye abanye abadisipile: Siyibonile inkosi. Kodwa yena wati kubo: Xeshekweni ndingati upa̔u lwezikonkwane ndilubone ezandleni zayo, nomnwe wam ndiwufake elupa̔wini lwezikonkwane, nesandla sam ndisifake ecaleni layo, andisayi kukolwa.
26Kekaloku emveni kwentsuku zisibozo abadisipile bake bebepakati kanjako, no‐Tomasi ebenabo. Weza u‐Yesu, ingcango zivaliwe nje, wema pakati, wati: Uxolo malube kuni! 27Wandula wati ku‐Tomasi: Sondeza umnwe wako apa, ukangele izandla zam; sisondeze nesandla sako, usifake ecaleni lam; uz’ ungabi ungakolwa, ube ukolwa. 28Waza wapendula u‐Tomasi wati kuye: Nkosi yam notixo wam! 29Wati u‐Yesu kuye: Ngokokuba undibonile, Tomasi! ukoliwe: banetamsanqa abo abangabonanga, kanti bakoliwe noko.
30Neminye imimangaliso ke okunene emininzi wayenza u‐Yesu ebusweni babadisipile bake, engaba̔liweyo kulencwadi: 31kodwa iba̔liwe le, ukuze nikolwe ukuba u‐Yesu unguye u‐Kristu, unyana katixo; nokuze niti nikolwa nibe nobomi egameni lake.
