U‐Jobi 20

₁WABUYA wapendula u‐Tsofare um‐Nahama, wati:

₂Ngako oko izicingo zam ziyandipendulisa, nangenxa yokunxama kwam okukum. ₃Ukukalimela okundihlazisayo ndikuvile; ngako umoya wengqondo yam wondipendulela.

₄Oku akukwazi na, kwa kudala nje, kuseloko kwabekwayo umntu pezu kwomhlaba, ₅ukuba ukuvuyelela kwabakohlakeleyo kufutshane, nokuba ukugcoba kwomginwa kokwepanyazo? ₆Nakuba ukupakama kwake kunyukela ezulwini, nentloko yake ifikelela emafini; ₇uya kububa noko njengelake ilindle kude kube ngunapakade: abo bambonileyo boti: Upina? ₈Uya kubaleka njengepupa, angafunyanwa ke; waeya kugxotwa njengomboniso wobusuku. ₉Iliso elamkangelayo aliyi kupinda ukumkangela; nendawo yake yona ayiyi kubuya imbone. ₁₀Abantwana bake bonxenxezela amahlwempu; ewe ezake izandla ziya kubuyisa ubutyebi bake. ₁₁Amatambo ake azele sisono sobufana bake, esiya kulala pantsi naye elutulini.

₁₂Nakuba inkohlakalo imnandi emlonyeni wake, ayifihle ngapantsi kwolwimi lwake, ₁₃ayilondoloze, angayiyeki nokuyiyeka, koko ayibambe isepakati kwekuhlangubo lake, ₁₄ukutya kwake kwoguqulelwa ematunjini ake, kwoba yinyongo yamaṙamba embilini wake. ₁₅Ubutyebi ubuginyile, kanti wobuya abuhlanze; utixo wobukupa esiswini sake. ₁₆Ubuhlungu bamaṙamba uya kubumungunya; ulwimi lwenyushu luya kumbulala. ₁₇Akayi kubonela imijelo, — imisinga yemilanjana yobusi namasi. ₁₈Inzuzo yake woyibuyisa, angayiginyi; kwobuyekezwa ngokwobutyebi bake, angagcobi ke. ₁₉Ngokuba encinezele walahla amahlwempu, indlu ayipangileyo akayi kuyaka. ₂₀Ngokuba ebengakwazi ukwonwaba embilini wake, akayi kusindisa nto yokunqwenela kwake. ₂₁Bekungeko naliva ekutyeni kwake; ngako oko abuyi kuqina ubutamsanqa bake. ₂₂Ekuzaleni kwobuninzi bake woba seluxinezelweni; izandla zabalusizi bonke zoza pezu kwake. ₂₃Kwobako into yokuzalisa isisu sake; u‐Tixo uya kutuma pezu kwake ubushushu bomsindo wake, abunise pezu kwake ekudleni kwake. ₂₄Uya kusaba isikali sesincete; siya kumbadluza isipeta sexina. ₂₅Utolo luyar̔olwa, luyapuma emzimbeni, neṙele elibengezelayo enyongweni yake; uyemka, izituso zipezu kwake. ₂₆Ubumnyama bonke bubekelelwa izinto zake ezibekelweyo; uya kumgqiba umlilo ongavutelwanga; woza elishweni lowo useleyo ententeni yake. ₂₇Izulu liya kutyila inkohlakalo yake, nomhlaba wopakama ngakuye. ₂₈Indyebo zendlu yake ziya kumka, — zikukuliswa emhleni womsindo wake. ₂₉Oku kusisabelwa somutu okohlakeleyo sivela kutixo, nelifa lokumiselwa kwake ngutixo.