U‐Jobi 24

₁Kunganina pofu, amaxesha engamfihlelwe usomandla nje, ukuba abamaziyo bangaboni imihla yake? ₂Kuko abashenxisa imida; bayapanga umhlambi, bawaluse. ₃Iqwaṙashe lenkedama bayalitimba, nenkabi yomhlolokazi bayayitabata ibe ngumbambiso. ₄Bayasonga abasweleyo endleleni; amahlwempu elizwe enzwa azimele ndawonye. ₅Bona ke, njengamaqwaṙa entlango, bayapumela emsebenzini wabo, befuna kusasa into yokutya; ubala lusisonka sabantwana kubo. ₆Bayavuna amazimba abo emasimini abanye, babute esitiyeni semiti yeveyine sokohlakeleyo. ₇Bayalalisa zé, bengenangubo; abanasigubungelo engqeleni. ₈Ngesipango sentaba banetile; nangokuswela indawo yokupepela bayasingata iliwa.

₉Abanye bayamtyutula kwa sebeleni ofelwe nguyise, napezu kwehlwempu bayabeka umbambiso. ₁₀Bayahamba zé bengenangubo; belambile bayatwala izitungu; ₁₁bayenza ioli pakati kwendonga zabo; bayaxovula izincinezelo zeveyine, benxaniwe noko.

₁₂Esixekweni amadoda ayagula, nompefumlo wabazinxweleṙa uyakala; kanti utixo akabeki ityala. ₁₃Kuko abavukelana nokukanya; abazazi indlela zako, abahlali nasemizileni yako. ₁₄Kungekasi kuvuka umbulali; uyasika olihlwempu nosweleyo; nasebusuku unjengesela. ₁₅Kanjako iliso lomṙexezi liyalinda uncwalazi, esiti: Akuko liso eliya kundibona; uyafaka ubuso isigqubutelo. ₁₆Ebumnyameni bayagqoboza ezindlwini; emini bayazivalela; abazani nokukanya. ₁₇Ngokuba kubo ukusa kufana nesitunzi sokufa; nxa baziwayo, izituso zesitunzi sokufa zibahlela.

₁₈Lowo unamendu pezu kwobuso bamanzi; siqalekisiwe isabelwa sabo basemhlabeni; akabeki ngasendleleni yemiyezo. ₁₉Ukwoma nobushushu buyakukulisa amanzi engqweqwe; kwa njalo incw̔aba liyasusa abo abonileyo. ₂₀Isizalo siya kumlibala; woba kukutya okumnandi kwimpetu: akasayi kubuya akunjulwe; iti inkohlakalo yapulwe njengomti.

₂₁Uyapata kakubi oludlolo, ongazaliyo; nomhlolokazi akamenzeli okulungileyo. ₂₂Uyasusa abomeleleyo ngamandla ake; akupakama, akuko namnye otembayo ebomini. ₂₃Uyanikwa ukuba abe sekunqabeni, ayamele kona: kodwa amehlo ake apezu kwendlela zabo. ₂₄Bayapakanyiswa kube ngumzuzwana, kodwa bahla bangabiko; bayatotywa pantsi; njengabanye bonke bayabutwa; nanjengezikwebu zapezulu bayanqanyulwa.

₂₅Ukuba akunjalo ke, ngubanina oya kundenza ixoki, nesiteto sam asenze into engento?