U‐Jobi 8

₁WAZA wapendula u‐Biledadi um‐Shuha, wati:

₂Kwoda kube ninina uya kuteta ezizinto, ati amazwi omlomo wako abe ngumoya onamandla? ₃Utixo wopambukisa ugwebo na? kanjalo usomandla wopambukisa ubulungisa na? ₄Ukuba abantwana bako bonile ngakuye, waza wabagxota ngako ukugqita kwabo: ₅ukuba ubufuna ngokutalo kutixo, wataṙuzisa kuye usomandla; ₆ukuba ubungongcwengekileyo nolungisayo; ngenyaniso kaloku ebeya kuvuka ngenxa yako, atamsanqelekise ikaya lokulunga kwako. ₇Nakuba ukuqala kwako bekukuncinane, okwasemva kwako bekuya kuba kukulu kunene.

₈Kodwa kaubuze isizukulwana sapambili, uzibekise ekufuniselweni kwoyise baso: ₉(ngokuba singabezolo tina, singazi nje; ngokuba isisitunzi imihla yetu emhlabeni:) ₁₀abayi kukufundisa bona na, bakutetele, bapumise entliziyweni yabo amazwi? — okuti:

₁₁Ingcongolo ingazipakamisa na lungeko udaka? umkanzi ungakula na engeko amanzi? ₁₂Nxa usenabo ubuhlaza bawo, ungekasikwa, uyapangela inca zonke ngokubuna. ₁₃Zikwa njalo indlela zabo bonke abamlibalayo utixo; netemba lomginwa lona liya kububa: ₁₄okukangela kuya kunqanyulwa, nokutembela kwake kwoba yindlu yesigcawo. ₁₅Uya kwayama kwindlu yake, kanti ayiyi kuma; uya kubambelela kuyo, kanti ayiyi kuhlala iqinile. ₁₆Ucumile ebusweni belanga, nehlumelo lake liyapumela pezu kwesitiya sake. ₁₇Pezu kwemfumba ingcambo zake zijijene; indawo yamatye uyayibona. ₁₈Nxa atshatyalaliswayo endaweni yake, yoza imkanyele, isiti: Andikubonanga. ₁₉Bona ke, olu luvuyo lwendlela yake; bati abanye bahlume elutulini.

₂₀Bona ke, utixo akayi kumlahla ofezekileyo; akayi kubamba abenzi bokubi ngesandla kanjalo. ₂₁Nxa asazalisa ikuhlangubo lako ngohleko, nomlomo wako ngomemezo lwomgcobo, ₂₂abatiyi bako baya kwambatiswa idano: kanti intente yabakohlakeleyo ayiyi kuba iseko.