1HAI ukuba mncumevu kwegolide! ukuguqulwa kwegolide entle! ukucitwa kwamatye endawo eyingcwele encameni yezitarate zonke! 2Onyana abanqabileyo base‐Ziyone, belinganiseka negolide ecokisiweyo, banjanina ukubalwa ngokuba yimipanda yodongwe, umsebenzi wezandla zombumbi! 3Kwa impungutye ziyanikela ibele, ziyanyisa amatole azo: intombi yabantu bam ibunqola, njengazo inciniba entlango. 4Ulwimi lwosana luti nama ekuhlangubo lalo ngenxanwa: intsatshana ziyacela isonka; akuko ozabelayo. 5Abo ababesidla izimnandi bayabuba ezitarateni: abo ababesondliwa pezu kwezinto ezibomvu bayasingata imfumba zenkunkuma. 6Ngokuba ukwohlwayelwa kwenkohlakalo yentombi yabantu bam kukulu kokwesono se‐Sodome, eyabicitwa njengasepanyazweni, ingawelwa zizandla ke. 7Abanaziri bayo bebegqitisile ingqweqwe ngokuba ngcwele, bebegqitisile ubisi ngokuba mhlope, bebebomvu pezu kwerubi umzimba wabo, isimilo sabo sasisesesafire. 8Ukubonakala kwabo ngoku kubumnyama pezu kwoncwalazi, abaziwa ezitarateni; intlonze yabo iti nama ematanjeni abo; ishwabene, iba njengomti. 9Banenyweba abo babuleweyo ngeṙele pezu kwababuleweyo ngendlala: ngokuba aba bebengcungcuteka, behlatyiwe, bengenayo imifuno yentsimi. 10Izandla zabafazi abanezibele zipekile ababo abantwana; baba kukudla kwabo embujisweni yentombi yabantu bam. 11Uyehova ufezile ubuṙalaṙume bake; utulule ubushushu bengqumbo yake, wapembela e‐Ziyone umlilo, owadla imisekelo yayo. 12Ngebengakolwanga okumkani bomhlaba, nabo bonke abemi belizwe, ukuba bekuya kungena emasangweni e‐Yerusaleme impi notshaba. 13Ngenxa yezono zabaprofite bayo, nezikohlakalo zabaperisite bayo, abalipalazileyo pakati kwayo igazi labalungileyo, 14babadula njengemfama ezitarateni, badyojwa ngegazi, bada abantu bakohlwa ukucukumisa izivato zabo. 15Bamemeza kubo, besiti: Sukani, nina banco̔lileyo! sukani, sukani, ningacukumisi! Ngenyaniso bayabaleka, bayabadula; kutwa pakati kwezizwe: Abasayi kuhlala kona. 16Ubuso bukayehova bubahlulahlule; akasayi kubagqala; ubuso babaperisite ababubekanga; babengenalufefe kubo abadala. 17Nxa sibe siseko, amehlo etu apelela uncedo olungendawo: ekulindeni kwetu salinda isizwe esasingenako ukusindisa. 18Bazingela amanyatela etu, ukuba besingenakuhamba ezitarateni zetu: kwasondela ukupela kwetu, yabizalisekile imihla yetu; ngokwenene ukupela kwetu bekufikile. 19Abasukeli betu badlula ngamendu inkozi zasezulwini; basiputuma kakulu ezintabeni, basilalela entlango. 20Umoya wempumlo zetu, umtanjiswa kayehova, wabanjiswa ezihogweni zabo; esabesisiti ngaye: Ngapantsi kwomtunzi wake sohlala pakati kwabaheyideni. 21Gcoba uvuye, ntombi yase‐Edome, wena umiyo ezweni le‐Hutse! indebe yodlulela nakuwe; wonxila ke, wozihluba kanjako. 22Kugqityiwe ukwohlwayelwa kwenkohlakalo yako, ntombi yase‐Ziyone! akayi kupinda akufuduse: inkohlakalo yako, ntombi yase‐Edome! woyohlwayela; izono zako wozityila.
