1WAZA wateta uyehova ku‐Mosesi naku‐Arone, esiti: 2Maluti waca usapo luka‐Sirayeli olunye ngolunye ngakuyo ibanile yalo, ngapantsi kwomqondiselo wendlu zoyise zalo; luya kuti waca lukude lungqonga intente yentlangano.
3Abo abaya kuti waca ngapambili, ngasekupumeni kwelanga, ngabebanile yebandla lika‐Juda, ngemikosi yabo: inkosi yonyana baka‐Juda yoba ngu‐Nahashone, unyana ka‐Haminadabi. 4Umkosi wake, kwa ababalweyo bawo, bebengamawaka angamashumi asixe̔nxe enesine, anamakulu matandatu. 5Nabati waca ngakuye boba sisizwe sika‐Yisakare: inkosi yonyana baka‐Yisakare yoba ngu‐Netaneli, unyana ka‐Tsuhare. 6Umkosi wake, kwa ababalweyo bawo, bebengamawaka angamashumi mahlanu enesine, anamakulu mane. 7Kuya kwongezwa isizwe sika‐Zebulone: inkosi yonyana baka‐Zebulone yoba ngu‐Eliyabe, unyana ka‐Heloni. 8Umkosi wake, kwa ababalweyo bawo, bebengamawaka angamashumi mahlanu enesixe̔nxe, anamakulu mane. 9Bonke ababalweyo basebandleni lika‐Juda, bebengamawaka alikulu elinamashumi asibozo enesitandatu, anamakulu mane, ngemikosi yabo. Baya kunduluka kuqala aba.
10Ibanile yebandla lika‐Rubene yoba ngasesuyide, ngemikosi yabo: inkosi yonyana baka‐Rubene yoba ngu‐Elitsure, unyana ka‐Shedeyure. 11Umkosi wake, kwa ababalweyo bawo, bebengamawaka angamashumi mane enesitandatu, anamakulu mahlanu. 12Nabati waca ngakuye boba sisizwe sika‐Simone: inkosi yonyana baka‐Simone yoba ngu‐Shelumiyele, unyana ka‐Tsurishadai. 13Umkosi wake, kwa ababalweyo bawo, bebengamawaka angamashumi mahlanu enesitoba, anamakulu matatu. 14Kuya kwongezwa nesizwe sika‐Gadi: inkosi yonyana baka‐Gadi yoba ngu‐Eliyasafa, unyana ka‐Rehule. 15Umkosi wake, kwa ababalweyo bawo, bebengamawaka angamashumi mane enesihlanu, anamakulu matandatu enamashumi mahlanu. 16Bonke ababalweyo basebandleni lika‐Rubene, bebengamawaka alikulu elinamashumi mahlanu enesinye, anamakulu mane enamashumi mahlanu, ngemikosi yabo. Baya kunduluka ngokwesibini aba.
17Kwandul’ ukunduluka intente yentlangano, inebandla laba‐Levi, pakati kwamabandla; njengokuti waca kwabo, kwoba njalo ukunduluka kwabo, bonke ngabanye besezindaweni zabo, ngasezibanileni zabo.
18Ibanile yebandla lika‐Frayime, ngemikosi yabo, yoba ngasentshonalanga: inkosi yonyana baka‐Frayime yoba ngu‐Elishama, unyana ka‐Hamihude. 19Umkosi wake, kwa ababalweyo bawo, bebengamawaka angamashumi mane, anamakulu mahlanu. 20Abangakuye boba sisizwe sika‐Manase: inkosi yonyana baka‐Manase yoba ngu‐Gamaliyeli, unyana ka‐Pedatsure. 21Umkosi wake, kwa ababalweyo bawo, bebengamawaka angamashumi matatu enesibini, anamakulu mabini. 22Kuya kwongezwa nesizwe sika‐Benjamine: inkosi yonyana baka‐Benjamine yoba ngu‐Abidane, unyana ka‐Gideyoni. 23Umkosi wake, kwa ababalweyo bawo, bebengamawaka angamashumi matatu enesihlanu, anamakulu mane. 24Bonke ababalweyo basebandleni lika‐Frayime, bebengamawaka alikulu enamawaka asibozo, anekulu linye ngapandle, ngemikosi yabo. Baya kunduluka ngokwesitatu aba.
25Ibanile yebandla lika‐Dane yoba ngasenode, ngemikosi yabo: inkosi yonyana baka‐Dane yoba ngu‐Ahihezere, unyana ka‐Hamishadai. 26Umkosi wake, kwa ababalweyo bawo, bebengamawaka angamashumi matandatu enesibini, anamakulu asixe̔nxe. 27Nabati waca ngakuye boba sisizwe sika‐Ashere: inkosi yonyana baka‐Ashere yoba ngu‐Pagiyeli, unyana ka‐Okerane. 28Umkosi wake, kwa ababalweyo bawo, bebengamawaka angamashumi mane enesinye, anamakulu mahlanu. 29Kuya kwongezwa nesizwe sika‐Nefatali: inkosi yonyana baka‐Nefatali yoba ngu‐Ahira, unyana ka‐Henani. 30Umkosi wake, kwa ababalweyo bawo, bebengamawaka angamashumi mahlanu enesitatu, anamakulu mane. 31Bonke ababalweyo basebandleni lika‐Dane, bebengamawaka alikulu elinamashumi mahlanu enesixe̔nxe, anamakulu matandatu. Baya kunduluka ngasemva aba, ngebanile zabo.
32Aba ke ngababalweyo bosapo luka‐Sirayeli, ngendlu zoyise zalo: bonke ababalweyo basemabandleni, ngemikosi yabo, bebengamawaka angamakulu matandatu enamawaka matatu, anamakulu mahlanu enamashumi akwa mahlanu. 33Kodwa aba‐Levi bebengabalwanga pakati kwosapo luka‐Sirayeli; njengokuba uyehova ebemyalele u‐Mosesi.
34Lwaye usapo luka‐Sirayeli lwenza njengako konke uyehova ebemyalele u‐Mosesi ngako: ngokunjalo lwati waca ngebanile zalo, nangokunjalo lwalunduluka, olunye ngolunye ngezizalwane zalo, ngendlu zoyise zalo.
