1Nangenyanga yesixe̔nxe, ngowokuqala umhla wenyanga, noba nentlanganisano engcwele; aniyi kuwenza namnye umsebenzi wenkonzo: woba ngumhla wokuhlokoma kwamaxilongo kuni. 2Naniya kulenza idini lokutshiswa libe livumba elimnandi kuyehova: inkunzana yenkomo ibe nye, inkunzi yegusha ibe nye, nemvana zomnyaka mnye zibe sixe̔nxe, ezimsulwa: 3nomnikelo wokudla wazo womgubo ocolekileyo unyeliwe ngeoli: ezitatu ezeshumi iziqingata zeyefa kuyo inkunzana, ezibini ezeshumi iziqingata zeyefa kuyo inkunzi yegusha; 4neseshumi isiqingata seyefa kwimvana ngemvana, kwezisixe̔nxe imvana ezinye ngezinye: 5netakane lebokwe libe linye, eledini lesono, nize nenzelwe uxoliso: 6ngapandle kwedini lokutshiswa lenyanga etwasileyo, nomnikelo wokudla walo, nedini lokutshiswa elifuti, nomnikelo wokudla walo, neminikelo yokusela yawo, njengesiko lawo, libe livumba elimnandi, umnikelo owenziwa ngomlilo kuyehova.
7Nangoweshumi umhla walenyanga yesixe̔nxe noba nentlanganisano engcwele; naniya kubandezela imipefumlo yenu; aniyi kuwenza namnye umsebenzi wenkonzo: 8koko niya kunikela idini lokutshiswa kuyehova, libe livumba elimnandi: inkunzana yenkomo ibe nye, inkunzi yegusha ibe nye, nemvana zomnyaka mnye zibe sixe̔nxe: zezimsulwa eniya kuba nazo: 9nomnikelo wokudla wazo womgubo ocolekileyo unyeliwe ngeoli: ezitatu ezeshumi iziqingata zeyefa kuyo inkunzana, ezibini ezeshumi iziqingata zeyefa kwinkunzi yegusha inye; 10neseshumi isiqingata seyefa kwimvana ngemvana, kwezisixe̔nxe imvana ezinye ngezinye: 11netakane lebokwe libe linye, eledini lesono: ngapandle kwedini lesono lokuxolisa, nedini lokutshiswa elifuti, nomnikelo wokudla walo, neminikelo yokusela yawo.
12Nangoweshumi linesihlanu umhla wenyanga yesixe̔nxe noba nentlanganisano engcwele; aniyi kuwenza namnye umsebenzi wenkonzo: koko niya kubamba umtendeleko kuyehova isixe̔nxe semihla: 13naniya kunikela idini lokutshiswa, umnikelo owenziwa ngomlilo, ivumba elimnandi kuyehova: inkunzana zenkomo zibe lishumi linantatu, inkunzi zegusha zibe mbini, imvana zomnyaka mnye zibe lishumi elinane: zoba zezimsulwa: 14nomnikelo wokudla wazo womgubo ocolekileyo unyeliwe ngeoli: ezitatu ezeshumi iziqingata zeyefa kwinkunzana nye, kwezilishumi linantatu inkunzana ezinye ngezinye; ezibini ezeshumi iziqingata zeyefa kwinkunzi nye yegusha, kwezimbini inkunzi zegusha ezinye ngezinye; 15neseshumi isiqingata seyefa kwimvana nye, kwezilishumi linane imvana ezinye ngezinye: 16netakane lebokwe libe linye, eledini lesono: ngapandle kwelifuti idini lokutshiswa, nomnikelo wokudla walo, nowokusela walo.
17Nangomhla wesibini nonikela inkunzana zenkomo zibe lishumi linambini, inkunzi zegusha zibe mbini, imvana zomnyaka mnye zibe lishumi elinane, ezimsulwa; 18nomnikelo wokudla wazo, neminikelo yokusela yazo, eyenkunzana, eyenkunzi zegusha, neyemvana, ngenani lazo, njengesiko: 19netakane lebokwe libe linye, eledini lesono: ngapandle kwelifuti idini lokutshiswa, nomnikelo wokudla walo, neminikelo yokusela yazo.
20Nangomhla wesitatu nonikela inkunzana zenkomo zibe lishumi linanye, inkunzi zegusha zibe mbini, imvana zomnyaka mnye zibe lishumi elinane, ezimsulwa; 21nomnikelo wokudla wazo, neminikelo yokusela yazo, eyenkunzana, eyenkunzi zegusha, neyemvana, ngenani lazo, njengesiko; 22nebokwe yedini lesono ibe nye: ngapandle kwelifuti idini lokutshiswa, nomnikelo wokudla walo, nowokusela walo.
23Nangomhla wesine nonikela inkunzana zenkomo zibe lishumi, inkunzi zegusha zibe mbini, imvana zomnyaka mnye zibe lishumi elinane, ezimsulwa; 24nomnikelo wokudla wazo, neminikelo yokusela yazo, eyenkunzana, eyenkunzi zegusha, neyemvana, ngenani lazo, njengesiko; 25netakane lebokwe libe linye, eledini lesono: ngapandle kwelifuti idini lokutshiswa, nomnikelo wokudla walo, nowokusela walo.
26Nangomhla wesihlanu nonikela inkunzana zenkomo zibe litoba, inkunzi zegusha zibe mbini, imvana zomnyaka mnye zibe lishumi elinane, ezimsulwa; 27nomnikelo wokudla wazo, neminikelo yokusela yazo, eyenkunzana, eyenkunzi zegusha, neyemvana, ngenani lazo, njengesiko; 28nebokwe yedini lesono ibe nye: ngapandle kwelifuti idini lokutshiswa, nomnikelo wokudla walo, nowokusela walo.
29Nangomhla wesitandatu nonikela inkunzana zenkomo zibe sibozo, inkunzi zegusha zibe mbini, imvana zomnyaka mnye zibe lishumi elinane, ezimsulwa; 30nomnikelo wokudla wazo, neminikelo yokusela yazo, eyenkunzana, eyenkunzi zegusha, neyemvana, ngenani lazo, njengesiko; 31nebokwe yedini lesono ibe nye: ngapandle kwelifuti idini lokutshiswa, nomnikelo wokudla walo, nowokusela walo.
32Nangomhla wesixe̔nxe nonikela inkunzana zenkomo zibe sixe̔nxe, inkunzi zegusha zibe mbini, imvana zomnyaka mnye zibe lishumi elinane, ezimsulwa; 33nomnikelo wokudla wazo, neminikelo yokusela yazo, eyenkunzana, eyenkunzi zegusha, neyemvana, ngenani lazo, njengesiko; 34nebokwe yedini lesono ibe nye: ngapandle kwelifuti idini lokutshiswa, nomnikelo wokudla walo, nowokusela walo.
35Ngowesibozo umhla noba nentlanganiso enkulu; aniyi kuwenza namnye umsebenzi wenkonzo: 36koko niya kunikela idini lokutshiswa, umnikelo owenziwa ngomlilo, wevumba elimnandi kuyehova: inkunzana yenkomo ibe nye, inkunzi yegusha ibe nye, imvana zomnyaka mnye zibe sixe̔nxe, ezimsulwa; 37nomnikelo wokudla wazo, neminikelo yokusela yazo, eyenkunzana, eyenkunzi yegusha, neyemvana, ngenani lazo, njengesiko; 38nebokwe yedini lesono ibe nye: ngapandle kwelifuti idini lokutshiswa, nomnikelo wokudla walo, nowokusela walo.
39Ezizinto niya kuzinikela kuyehova ngemitendeleko yenu emiselweyo, ngapandle kwezibambiso zenu, neminikelo yesisa yenu, ngenxa yamadini okutshiswa enu, nangenxa yeminikelo yokudla yenu, nangenxa yeminikelo yokusela yenu, nangenxa yeminikelo yoxolo yenu.
40Waxela ke u‐Mosesi elusatsheni luka‐Sirayeli, njengako konke uyehova abemyalele u‐Mosesi ngako.
