Imizekeliso 11

₁ISILINGANISELO senkohliso siyintshontsho kuyehova; kodwa ilitye lokulinganisa elizalisekileyo liyimvuyiso kuye.

₂Kuti kwakufika iratshi, kufike nehlazo; kodwa ubulumko bunabalulamileyo.

₃Inene yabalungisayo yobakapa; kodwa inkani yabenza ngobuxoki yobacita.

₄Ubutyebi abuncedi luto emhleni womsindo; kodwa ubulungisa buyasindisa ekufeni.

₅Ubulungisa bofezekileyo bolungelelanisa indlela yake; kodwa okohlakeleyo wowa ngokukohlakala kwake.

₆Ubulungisa babalungisayo bobasindisa; kodwa abenza ngobuxoki bobanjiswa ngobabo ubumenemene.

₇Uti akufa umntu okohlakeleyo, isikangelo sake siya kububa; kanjalo itemba labangendawo liyabuba.

₈Olungileyo uyahlangulwa ebunzimeni, aze angene okohlakeleyo esikundleni sake.

₉Ngawo umlomo umginwa uyatshabalalisa ummelwane wake; kodwa ngako ukwazi kwabalungileyo, baya kusindiswa.

₁₀Ebutamsanqeni babalungileyo, isixeko siyavuyelela; nasekububeni kwabakohlakeleyo, kuko umgcobo.

₁₁Ngesitamsanqeliso sabalungisayo isixeko siyapakanyiswa; kodwa ngomlomo wabakohlakeleyo siyacitwa.

₁₂Odela ummelwane wake, ngoswele ingqiqo; kodwa umntu wokuqonda woti cwaka.

₁₃Ohambahamba ehleba, uyatyila amahlebo; kodwa omoya unyanisekile, uyafihla umcimbi.

₁₄Nxa kungeko amaqinga alumkileyo, bayawa abantu; kodwa kuko ingciniso ebuninzini babacebisi.

₁₅Uya kuzuza ingozi ngenyaniso lowo obambisele owasemzini; kodwa otiyayo ukubambana kwezandla unqabile.

₁₆Umfazi onesoya uyabamba udumo; namadoda anamandla ayabamba ubutyebi.

₁₇Umntu onobubele uyenzela owake umpefumlo okulungileyo; kodwa oyinqola uyakataza eyake inyama.

₁₈Okohlakeleyo uyenza umsebenzi wenkohliso; kodwa ohlwayelayo ubulungisa woba nomvuzo wenene.

₁₉Njengokuba ubulungisa bubang’ ubomi, kwa njalo oputuma inkohlakalo ubang’ ukufa kwake.

₂₀Bayintshontsho kuyehova abantliziyo ibugwenxa; kodwa bayimvuyiso kuye abandlela ilungile.

₂₁Nangona isandla sibambana nesandla, akayi kuswela ityala okohlakeleyo; kodwa inzalo yabalungileyo yosindiswa.

₂₂Njengawo umsesane wegolide empumlweni yehangu, injalo inzwakazi engenakuqiqa.

₂₃Inkanuko yabalungileyo kukulunga kupela; kodwa isikangelo sabakohlakeleyo singumsindo.

₂₄Kuko ocitayo, kanti kusandiswa; kuko ovimbayo okupezu kwokumfaneleyo, kodwa kubang’ ubuhlwempu.

₂₅Umpefumlo onesisa wotyetyiswa; nalowo onyelayo, uya kunyelwa yena naye.

₂₆Obambayo inqolowa, abantu baya kumnywebelela; kodwa amatamsanqa oba pezu kwentloko yalowo otengelayo.

₂₇Okutala ukufuna okulungileyo, uyafuna imbuko; kodwa ofunayo ububi, buya kumfikela.

₂₈Otembela ebutyebini bake, yena uya kuwa; kodwa abalungileyo bocu̔ma njengamagqabi.

₂₉Okatazayo eyake indlu, uya kulidla ilifa lomoya; kanjalo ihilihili loba sisicaka kolumkileyo ngentliziyo.

₃₀Isixakato solungileyo singumti wobomi; kanjalo obambayo imipefumlo ulumkile.

₃₁Bona ke, olungileyo uya kuvuzwa emhlabeni; kangakananina ngakumbi ke okohlakeleyo nomoni.