Amaculo 119

₁HAI itamsanqa labandlela ilungile, abahambayo emtetweni kayehova! ₂Hai itamsanqa lababamba izinqi̔nelo zake, abamfuna ngentliziyo yonke; ₃abati kanjalo bangenzi inkohlakalo, babambe ezindleleni zake! ₄Wena usiyalele ukuba kugcinwe ingxelo zako kakulu. ₅Azaba indlela zam zaqiniselwa ukugcina imimiso yako! ₆Oko andiyi kudaniswa, nxa ndiyigqalayo yonke imiyalelo yako. ₇Ndokudumisa ngolungelelwano lwentliziyo, nxa ndizifundileyo izigwebo zako ezilungileyo. ₈Imimiso yako ndoyigcina: zungandishiyi kanye.

₉Indodana iya kucokisa nganto nina indlela yayo? Ngokuyigcina njengokwelizwi lako. ₁₀Ndikufunile ngentliziyo yam yonke; zungavumeli ukuba ndilahlekane nemiyalelo yako. ₁₁Ilizwi lako ndilibekele entliziyweni yam, ukuze ndingoni ngakuwe. ₁₂Udumisekile, Yehova! ndifundise imimiso yako. ₁₃Ngowam umlomo ndishumayele zonke izigwebo zomlomo wako. ₁₄Ndivuyile endleleni yezinqi̔nelo zako, njengapezu kwendyebo zonke. ₁₅Ndiya kucinga ingxelo zako, ndigqale indlela zako. ₁₆Ndiya kuziyolisa emimisweni yako: andiyi kulibala ilizwi lako.

₁₇Yenzela isicaka sako okulungileyo, ukuba ndidle ubomi, ndigcine ilizwi lako. ₁₈Tyila amehlo am, ndize ndikangele imimangaliso yasemtetweni wako. ₁₉Ndingowasemzini emhlabeni: zungandifihleli imiyalelo yako. ₂₀Umpefumlo wam uyapuka ngokunqwenela izigwebo zako ngamaxa onke. ₂₁Ubatetisile abaner̔atshi abaqalekisiweyo, abalahlekanayo nemiyalelo yako. ₂₂Songa kum ugxeko nodelo; ngokuba izinqi̔nelo zako ndizibambile. ₂₃Kwa nenkosi zahlala zateta ngakum: kodwa isicaka sako sacinga imimiso yako. ₂₄Izinqi̔nelo zako nazo ziluyolo lwam; zingabacebisi bam.

₂₅Umpefumlo wam unamatele elutulini: ndipilise njengokwelizwi lako. ₂₆Ndizishumayele indlela zam, wandiva: ndifundise imimiso yako. ₂₇Ndiqondise indlela yengxelo zako; ndandiya kuteta ngayo imimangaliso yako. ₂₈Umpefumlo wam uyanyibilika ngosizi: ndomeleze njengokwelizwi lako. ₂₉Shenxisa kum indlela yobuxoki; undipe umteto wako ngofefe. ₃₀Ndiqashile indlela yenyaniso: izigwebo zako ndizibekile pambi kwam. ₃₁Ndinamatele ezinqi̔nelweni zako: Yehova! zungandidanisi. ₃₂Ndiya kugitshima endleleni yemiyalelo yako, nxa uya kuyenza banzi intliziyo yam.

₃₃Ndifundise indlela yemimiso yako, Yehova! ndandiya kuyibamba kude kube sekupeleni. ₃₄Ndiqondise, ndandiya kubamba umteto wako, ndiwugcine ngentliziyo yonke. ₃₅Ndikokele endleleni yemiyalelo yako; ngokuba ndikolisiwe yiyo. ₃₆Tobela intliziyo yam ezinqi̔nelweni zako, kungabi kuyo inzuzo ekohlakeleyo. ₃₇Dlulisa amehlo am angaboni okungendawo: ndipilise endleleni yako. ₃₈Qinisa ilizwi lako esicakeni sako, esisekwoyikeni wena. ₃₉Dlulisa ukugxekwa kwam endikwoyikayo: ngokuba izigwebo zako zilungile. ₄₀Kangela, ndikanukile ingxelo zako: ndipilise ngobulungisa bako.

₄₁Kanjalo ububele bako mabuze kum, Yehova! kwa usindiso lwako, njengokwelizwi lako. ₄₂Kukona ndiya kuba nokupendula ondigxekayo: ngokuba nditemba ilizwi lako. ₄₃Uze ungalihluti kanye emlonyeni wam ilizwi lenyaniso; ngokuba nditembele kuzo izigwebo zako. ₄₄Kukona ndiya kugcina umteto wako futi, kude kube ngunapakade kanapakade. ₄₅Ndandiya kuhamba ndikululekile: ngokuba ndizifuna ingxelo zako. ₄₆Ndoteta ngezinqi̔nelo zako nasebusweni babo okumkani, ndandingayi kudana. ₄₇Kanjalo ndoziyolisa emiyalelweni yako, endiyitandileyo. ₄₈Nezandla zam ndozipakamisela kuyo imiyalelo yako, endiyitandileyo; ndandiya kucinga imimiso yako.

₄₉Kumbula ilizwi esicakeni sako, onditembisileyo pezu kwalo. ₅₀Oku kulututuzelo lwam ebunzimeni bam: ngokuba ilizwi lako lindipilisile. ₅₁Abaner̔atshi bandigculele kakulu; andishenxanga noko emtetweni wako. ₅₂Ndikumbule izigwebo zako kwa kudala, Yehova! ndaza ndazitutuzela. ₅₃Ukunkwantya kundibambile, ngenxa yabakohlakeleyo abashiya umteto wako. ₅₄Imimiso yako ibingamaculo kum, endlwini yokupambukela kwam. ₅₅Ndikumbule igama lako. Yehova! ebusuku, ndagcina umteto wako. ₅₆Ndandinako oku, ngokuba ndibe ndibamba ingxelo zako.

₅₇Usisabelwa sam, Yehova! ndite ndiya kugcina amazwi ako. ₅₈Ndakungela ubuso bako ngentliziyo yonke: yiba nofefe kum njengokwelizwi lako. ₅₉Ndakumbulela indlela zam, ndaguqula inyawo zam ngasezinqi̔nelweni zako. ₆₀Ndakanleza, ndingazilazilanga, ukugcina imiyalelo yako. ₆₁Imigibe yabakohlakeleyo indingqongile: andilibalanga umteto wako noko. ₆₂Pakati kwobusuku ndiya kupapama ndibulele kuwe, ngenxa yezigwebo zako ezilungileyo. ₆₃Ndingumlingane wabo bonke abakwoyikayo, nabo bazigcinayo ingxelo zako. ₆₄Umhlaba, Yehova! uzele bububele bako: ndifundise imimiso yako.

₆₅Usenzele isicaka sako okulungileyo, Yehova! njengokwelizwi lako. ₆₆Ndifundise ingqiqo elungileyo nokwazi: ngokuba ndibe ndikolwa yimiyalelo yako. ₆₇Ndati ndingekabandezelwa, ndalahleka; kodwa kaloku ndiligcinile ilizwi lako. ₆₈Ulungile wena, uyenza okulungileyo kanjalo: ndifundise imimiso yako. ₆₉Abaner̔atshi baqingile ubuxoki ngakum; koko ndiya kubamba ingxelo zako ngentliziyo yonke. ₇₀Intliziyo yabo ityebile njengenqata; koko mna ndiziyolisa emtetweni wako. ₇₁Kundilungele ukuba ndibe ndibandezelwa; ukuze ndifunde imimiso yako. ₇₂Umteto womlomo wako ulungile kum ngapezu kwamawaka egolide nesilivere.

₇₃Izandla zako zindenzile zandidala: ndiqondise, ukuba ndifunde imiyalelo yako. ₇₄Abo bakwoyikayo bondibona bavuye; ngokuba nditembele ezwini lako. ₇₅Ndiyazi, Yehova! ukuba izigwebo zako zibulungisa; kanjalo kungenyaniseko ukundibandezela kwako. ₇₆Mabuti ke ububele bako bube kukunditutuzela, njengalo ilizwi lako esicakeni sako. ₇₇Inceba zako mazize kum, ukuba ndidle ubomi: ngokuba umteto wako uluyolo lwam. ₇₈Abaner̔atshi mabadaniswe; ngokuba bendipenule kungeko ndawo: kodwa mna ndiya kucinga ingxelo zako. ₇₉Mabati abakwoyikayo baguqukele kum, kwa nabo bazaziyo izinqi̔nelo zako. ₈₀Intliziyo yam mayibe ifezekile emimisweni yako, ukuze ndingadani.

₈₁Umpefumlo wam uyapelela usindiso lwako: nditembele ezwini lako. ₈₂Amehlo am ayapelela ilizwi lako, ndisiti: Uya kunditutuzela ninina? ₈₃Ngokuba ndide ndaba njengemvaba esemsini; ndingalibalanga imimiso yako noko. ₈₄Zingapina intsuku zesicaka sako? uya kuwenza umgwebo ninina pezu kwabandizingelayo? ₈₅Abaner̔atshi bandimbele izihogo; ekungenjengawo umteto wako. ₈₆Yonke imiyalelo yako iyinyaniseko; bayandizingela kungeko ndawo; ndincede. ₈₇Bapantsi kundigqibela emhlabeni; koko ndingashiyanga ingxelo zako. ₈₈Ndipilise njengokwobubele bako; kukona ndiya kugcina isinqi̔nelo somlomo wako.

₈₉Yehova! ilizwi lako limi ezulwini kude kube ngunapakade. ₉₀Inyaniseko yako ikwisizukulwana ngesizukulwana: uqinisile umhlaba, wema ke. ₉₁Ngezigwebo zako zimi kwada kwanamhla; ngokuba zonke zizicaka zako. ₉₂Ukuba umteto wako wabungelulo uyolo lwam, ngendibubile oko ndisebunzimeni bam. ₉₃Andisayi kuza ndilibale ingxelo zako; ngokuba undipilisile ngazo. ₉₄Ndingowako, ndisindise; ngokuba ndizifunile ingxelo zako. ₉₅Abakohlakeleyo bandilalele ukundibubisa: kodwa ndokumbula izinqi̔nelo zako. ₉₆Ndibonile isipelo kuyo yonke imfezeko: kodwa umyalelo wako ubanzi kakulu.

₉₇Hai ukutanda kwam umteto wako! kukucinga kwam wona imini yonke. ₉₈Wena undilumkisile ngemiyalelo yako ngapezu kwentshaba zam; ngokuba kungunapakade ikum. ₉₉Ndinokuqonda ngapezu kwabafundisi bam bonke; ngokuba izinqi̔nelo zako zikukucinga kwam. ₁₀₀Ndinokuqiqa ngapezu kwabadala; ngokuba ndibamba ingxelo zako. ₁₀₁Ndinqandile inyawo zam kuzo zonke indlela ezingalungileyo, ukuze ndigcine ilizwi lako. ₁₀₂Andimkanga kuzo izigwebo zako; ngokuba wena undifundisile. ₁₀₃Hai ukuba mnandi kwamazwi ako kwikuhlangubo lam! ngapezu kwabo ubusi kumlomo wam! ₁₀₄Ngazo ingxelo zako ndiyazuza ingqondo: ngako ndiyatiya zonke indlela zobuxoki.

₁₀₅Ilizwi lako lisisibane ngasezinyaweni zam, nesikanyiso ngasendleleni yam. ₁₀₆Ndifungile, ndandiya kuqinisa, ukuba ndogcina izigwebo zako ezilungileyo. ₁₀₇Ndibulawa kakulu: ndipilise, Yehova! njengokwelizwi lako. ₁₀₈Uz’ uti ke, Yehova! uyibuke iminikelo yesisa yomlomo wam, undifundise izigwebo zako. ₁₀₉Ubomi bam busesandleni sam futi: umteto wako andiwulibali noko. ₁₁₀Abakohlakeleyo bandibekele umgibe: andilahlekene nengxelo zako noko. ₁₁₁Nditabatile izinqi̔nelo zako zibe lilifa lam kude kube ngunapakade; ngokuba ziluvuyiso lwentliziyo yam. ₁₁₂Nditobele intliziyo yam ukwenza imimiso yako ngamaxesha onke, kude kube sekupeleni.

₁₁₃Amatindala ndiyawatiya; kodwa umteto wako ndiyawutanda. ₁₁₄Nguwe indawo yam yokufihlela nekaka lam: ndiyatembela ezwini lako. ₁₁₅Mkani kum, nina benzi bokungalungileyo! ngokuba ndiya kubamba imiyalelo yotixo wam. ₁₁₆Ndisekele njengokwelizwi lako, ndize ndidle ubomi: zungandidanisi ngokwetemba lam. ₁₁₇Ndixase, wena! kukona ndiya kugcineka: ndandiya kugqala imimiso yako futi. ₁₁₈Ubalahlile bonke abalahlekana nemimiso yako: ngokuba inkohliso yabo iyinto engendawo. ₁₁₉Bonke abakohlakeleyo bomhlaba uyabapelisa njengentlenga: ngako oko ndiyatanda izinqi̔nelo zako. ₁₂₀Inyama yam iyangcangcazela ngokwoyika wena: ngokuba ndiyoyika imigwebo yako.

₁₂₁Ndenzile ubugwebo nobulungisa: zungandilahleli ebabandezelini bam. ₁₂₂Yiba ngumbambiseli wesicaka sako ngako okulungileyo: abaner̔atshi mabangandibandezeli. ₁₂₃Amehlo am ayapelela usindiso lwako, nelizwi lobulungisa bako. ₁₂₄Yenzela isicaka sako njengokwobubele bako, undifundise imimiso yako. ₁₂₅Ndisisicaka sako; ndiqondise, ndandiya kuzazi izinqi̔nelo zako. ₁₂₆Selilixesha lokuba kusebenze uyehova; ngokuba bewapule umteto wako. ₁₂₇Ngako oko ndiyatanda imiyalelo yako pezu kwegolide; ewe, pezu kwegolide ecokisiweyo. ₁₂₈Ngako oko zonke ingxelo zako ngento zonke ndivumele ukulunga kwazo: kodwa zonke indlela zobuxoki ndizitiyile.

₁₂₉Izinqi̔nelo zako zingummangaliso; ngako oko umpefumlo wam uyazibamba. ₁₃₀Ukutyila kwelizwi lako kuyakanyisa; kuyaqondisa izidenge. ₁₃₁Ndavula umlomo wam, ndabefula; ngokuba ndibe ndilangazelela imiyalelo yako. ₁₃₂Beka kum, undipate ngofefe, njengesiko kwabo batanda igama lako. ₁₃₃Lungisa amanyatela am ngelizwi lako: makungabi nabukosi pezu kwam nanye inkohlakalo. ₁₃₄Ndikulule ekubandezeleni kwabantu; ndandiya kugcina ingxelo zako. ₁₃₅Ubuso bako bukanyise pezu kwesicaka sako, undifundise imimiso yako. ₁₃₆Imijelo yamanzi iyehla emehlweni am, ngokuba bengagcini umteto wako.

₁₃₇Ulungile wena, Yehova! yinto efanelekileyo nezigwebo zako. ₁₃₈Izinqi̔nelo zako, ozixelileyo, zinobulungisa, zinenyaniso kakulu. ₁₃₉Ubukwele bam bundigqibile, ngokuba intshaba zam zilibele amazwi ako. ₁₄₀Ilizwi lako licocekile kanye; kukona isicaka sako silitandayo. ₁₄₁Ndimncinane, ndideliwe; andilibali ingxelo zako noko. ₁₄₂Ubulungisa bako bubulungisa obungunapakade, nomteto wako uyinyaniso. ₁₄₃Ndihlelwe bubunzima noxinezeko: imiyalelo yako iluyolo lwam noko. ₁₄₄Ubulungisa bezinqi̔nelo zako bungunapakade: ndiqondise, ndandiya kudla ubomi.

₁₄₅Ndabiza ngentliziyo yonke; ndipendule, Yehova! ndiya kugcina imimiso yako. ₁₄₆Ndabizela kuwe; ndisindise, ndandiya kugcina izinqi̔nelo zako. ₁₄₇Ndapangela isifingo sokusa, ndadanduluka: ndatembela ezwini lako. ₁₄₈Amehlo am ayapangela amavaṙasho asebusuku, ndize ndicinge ilizwi lako. ₁₄₉Yiva ilizwi lam njengokwobubele bako: Yehova! ndipilise njengokwogwebo lwako. ₁₅₀Basondele abo baputumayo ubumenemene: bakude nomteto wako. ₁₅₁Ukufupi wena, Yehova! yonke imiyalelo yako iyinyaniso. ₁₅₂Kwa kudala ndikwazile ngazo izinqi̔nelo zako ukuba uzimisile kude kube ngunapakade.

₁₅₃Bona ubunzima bam, undihlangule: ngokuba ndingalibali umteto wako. ₁₅₄Tetelela ityala lam, undikulule: ndipilise njengokwelizwi lako. ₁₅₅Usindiso lukude nabakohlakeleyo; ngokuba bengafuni imimiso yako. ₁₅₆Izibele zako zininzi, Yehova! ndipilise njengokwezigwebo zako. ₁₅₇Baninzi abatshutshisi bam nentshaba zam: andishenxi ezinqi̔nelweni zako noko. ₁₅₈Ndabona abo benza ngobuxoki, ndadela; ngokuba bengaligcinanga ilizwi lako. ₁₅₉Bona ukuba ingxelo zako ndizitandile: ndipilise, Yehova! njengokwobubele bako. ₁₆₀Ilizwi lako liyinyaniso lipela; zonke izigwebo zako ezilungileyo zingunapakade.

₁₆₁Inkosi zanditshutshisa kungeko nto: kodwa intliziyo yam iloyikile ilizwi lako. ₁₆₂Ndiyavuyela ilizwi lako, njengofumene amaxoba amakulu. ₁₆₃Ubuxoki ndibutiyile, ndabuzonda; kodwa umteto wako ndiwutandile. ₁₆₄Kasixe̔nxe ngamini nye ndiyakudumisa ngenxa yezigwebo zako ezilungileyo. ₁₆₅Banoxolo olukulu abo batanda umteto wako: akuko siku̔bekiso kubo. ₁₆₆Nditembele usindiso lwako, Yehova! nemiyalelo yako ndiyenzile. ₁₆₇Umpefumlo wam uzigcinile izinqi̔nelo zako; ndiyazitanda kakulu kanjalo. ₁₆₈Ndizigcinile ingxelo zako nezinqi̔nelo zako: ngokuba zonke indlela zam zipambi kwako.

₁₆₉Isikalo sam masisondele pambi kwako, Yehova! ndiqondise njengokwelizwi lako. ₁₇₀Isikungo sam masize pambi kwako: ndihlangule njengokwelizwi lako. ₁₇₁Umlomo wam uya kupimisela indumiso, nxa undifundisile imimiso yako. ₁₇₂Ulwimi lwam luya kuhlabela ngelizwi lako: ngokuba yonke imiyalelo yako ibulungisa. ₁₇₃Isandla sako masindincede: ngokuba ndiziqashile ingxelo zako. ₁₇₄Ndikanukile usindiso lwako, Yehova! kanjalo umteto wako uluyolo lwam. ₁₇₅Umpefumlo wam maupile, uze ukudumise; ziti izigwebo zako zindincede. ₁₇₆Ndadungudela njengegusha elahlekileyo; funa isicaka sako; ngokuba ndingalibali imiyalelo yako.