Amaculo 144

₁MAKABONGWE uyehova, ilityekazi lam; ofundisa izandla zam imfazwe, neminwe yam ukulwa; ₂ububele bam, nenqaba yam; inyango yam, nomkululi wam; ikaka lam, nonditemba yena; obeyisayo abantu bam pantsi kwam. ₃Yehova! uyinto nina umntu, lento umaziyo? uyinto nina unyana womntu, lento umnyamekelayo? ₄Umntu uyafana nokungento; imihla yake injengesitunzi esimkayo.

₅Yehova! toba izulu lako, uhle; cukumisa intaba, ziqu̔me umsi ke. ₆Banekisa imibane, ubacite; tola ngentolo zako, ubapitizelise. ₇Yolulisa isandla sako kwa pezulu; ndikulule, undihlangule emanzini amaninzi, esandleni sabasemzini; ₈abamlomo uteta okungendawo, nesokunene sabo sesokunene sobuxoki.

₉Tixo! iculo elitsha ndolivuma kuwe; ngenebele entambo zilishumi ndoculela wena: ₁₀obanikayo ulwoyiso okumkani; okululayo u‐Davide, isicaka sake, esiṙeleni esenzakalisayo.

₁₁Ndikulule, undihlangule esandleni sabasemzini, abamlomo uteta okungendawo, nesokunene sabo, sesokunene sobuxoki: ₁₂ukuba onyana betu babe njengezityalo bekulisiwe ebutsheni babo; ziti intombi zetu zibe njengentsika zegumbi, ziqingqiwe ngokufana nezendlu yokumkani; ₁₃ziti izisele zetu zibe zizele, zivelisa ngentlobo ngentlobo; ziti igusha zetu zizale ngamawaka nangamawakawaka ezindleni zetu; ₁₄ziti inkabi zetu zibe zomelele ukutwala; kungabiko ukutyobozela pakati, kungabiko nokupumela pandle; kungabiko nokukala ezitarateni zetu.

₁₅Hai itamsanqa labantu okukwa njalo kubo! hai itamsanqa labantu aba tixo u nguyehova!