Amaculo 49

₁PULAPULANI oku, nonke nina zizwe! bekani indlebe, nonke nina bemi belizwe elikoyo! ₂kwa abapantsi nabapezulu, abazityebi nabangamahlwempu, kunye. ₃Umlomo wam uya kuteta ubulumko; nokucamanga kwentliziyo yam kwoba kokwokuqonda. ₄Indlebe yam ndoyitobela ngasemzekelisweni: ndosivulela isintsonkotelo sam ngekinore.

₅Ngendisoyika nganina emihleni yobubi, nxa inkohlakalo yabalaleli bam indingqongayo? ₆Abo batemba ubutyebi babo, nabaqa̔yisa ngobuninzi bendyebo zabo, ₇akuko namnye ongaka akulule umzalwana wake; akangenike kutixo isikululiso sake; ₈(inkululwa yompefumlo wabo inqabile nje, ipela nokupela kude kube ngunapakade;) ₉ukuba abe esadla ubomi futi, angaboni kubola. ₁₀Ngokuba ebona abalumkileyo ukuba banokufa, befana nosidenge nodolileyo ukububa kwabo, bashiyele abanye ubutyebi babo. ₁₁Umbilini wabo uti izindlu zabo zohlala kude kube ngunapakade, nemizi yabo kwisizukulwana ngesizukulwana; imihlaba yabo bayibizile ngawabo amagama. ₁₂Kanti umntu oseludunyweni akahlali noko; uyafana nenkomo ezitshabalalayo.

₁₃Lendlela yabo ibubudenge babo; kanti abezayo emva kwabo bayakolwa kukuteta kwabo. Sela. ₁₄Babekiwe encw̔abeni njengegusha; ukufa kuya kubadla; baye abalungileyo beya kuba nobukosi pezu kwabo kwakusa; nobuhle babo incw̔aba liya kubonakalisa, indawo yokuhlala kwabo. ₁₅Kodwa utixo uya kukulula umpefumlo wam emandleni encw̔aba; ngokuba eya kundamkela. Sela. ₁₆Ungoyiki nxa umntu wenziwa isityebi; nxa bunokwandiswa ubungcwalisa bendlu yake: ₁₇ngokuba engayi kumka nanto akufa; ubungcwalisa bake abuyi kuhla emva kwake. ₁₈Nakuba ati, nxa asadla ubomi, awutamsanqelise umpefumlo wake, bati abantu bakudumise, oko wenzayo ngokuzikolisa; ₁₉woya noko esizukulwaneni soyise bake: abasayi kuza babone ukukanya napakade. ₂₀Umntu oseludunyweni, engaqondi, uyafana nenkomo ezitshabalalayo.