Amaculo 86

₁TOBA indlebe yako, Yehova! undive; ngokuba ndilihlwempu, ndingosweleyo mna. ₂Gcina umpefumlo wam; ngokuba ndiyingcwele: Tixo wam! sindisa isicaka sako esitembela kuwe. ₃Yiba nofefe kum, Nkosi! ngokuba ndibizela kuwe imini yonke. ₄Vuyisa umpefumlo wesicaka sako; ngokuba ndifunqulela kuwe umpefumlo wam. ₅Ngokuba wena, Nkosi! ulungile, unokuxolela; unobubele obuninzi kubo bonke ababizela kuwe.

₆Yehova! nika indlebe emtandazweni wam; upulapule ilizwi lezikungo zam. ₇Ngemini yobunzima bam ndobizela kuwe: ngokuba uya kundipendula. ₈Pakati kwotixo akuko onjengawe, Nkosi! akuko nefana nemisebenzi yako. ₉Zonke izizwe ozenzileyo zoza zibedeshe pambi kwako, Nkosi! zidumise igama lako. ₁₀Ngokuba wena umkulu, uyenza imimangaliso; ungutixo wedwa.

₁₁Ndifundise indlela yako, Yehova! ndiya kuhamba enyanisweni yako: yenza nye intliziyo yam ukwoyika igama lako. ₁₂Ndobulela kuwe, Nkosi, Tixo wam! ngentliziyo yam yonke; ndiya kudumisa igama lako kude kube ngunapakade. ₁₃Ngokuba ububele bako bukulu ngakum; uwuhlangule umpefumlo wam ehadesi engapantsi kanye.

₁₄Tixo! abaner̔atshi basukele ngakum, nentlanganiso yababandezeli ifunile umpefumlo wam: abakubekanga pambi kwabo. ₁₅Kodwa wena, Nkosi! ungutixo onenceba nofefe, uqumba kade, unobuninzi bobubele nenyaniso. ₁₆Beka kum, undipate ngofefe: nika isicaka sako amandla ako, usindise unyana wesicakakazi sako. ₁₇Maundenzele umqondiso wokulungileyo, baze abo banditiyayo babone, badane; ngokuba wena, Yehova! undincedile, wandonwabisa.