1NASEMVENI kwezizinto ndeva ilizwi elikulu lesihlwele esikulu ezulwini, sisiti: Haleluya! Usindiso, nobungcwalisa, nembeko, namandla, kuyo inkosi utixo wetu! 2kuba iyinyaniso ilungile imigwebo yayo; kuba imgwebile umpinyiswa omkulu, lowo wawonakalisayo umhlaba ngombulo wake, yapindezela igazi lezicaka zayo kaso isandla sake. 3Batsho ke ngokwesibini ukuti: Haleluya! Uti kekaloku umsi wake unyuke kude kube ngunapakade kanapakade. 4Baza abadala bomashumi mabini anabane, nezidalwa ezipilileyo zozine, bawa pantsi babedesha utixo ohleli pezu kwayo iterone, besiti: Amene; Haleluya! 5Kanjako lapuma ilizwi eteroneni, lisiti: Dumisani utixo wetu, nonke nina zicaka zake, nani nimoyikayo, nabancinane nabakulu!
6Ndaza ndeva okungati lilizwi lesihlwele esikulu, nokungati lilizwi lamanzi amaninzi, nokungati lilizwi lendudumo ezinamandla, besiti: Haleluya! kuba ipete ngobukumkani inkosi, utixo ongusomandla 7Masiti sivuye, sigcobe, siyinike udumo; ukuba ufikile umtshato wemvana, nokuba umfazi wayo ezilungisile. 8Kwaye kunikwa kuye ukuba ambeswe ngeqiya eshiceneyo, emsulwa, ekazimlayo: ngokuba leqiya eshiceneyo izizenzo ezilungileyo zabangcwele.
9Yayisiti kum: Ba̔la ukuti: Banetamsanqa abo bamenyelwayo esidlweni somtshato wayo imvana. Yayisiti kum: Wona la angawo amazwi ayinyaniso katixo. 10Ndaza ndawa pambi kwenyawo zayo ukuba ndiyibedeshe. Yayisiti kum: Lumka ungenje njalo: ndisisicaka kunye nawe nakunye nabazalwana bako abanabo ubunqi̔na buka‐Yesu; mbedeshe utixo: ngokuba ubunqi̔na buka‐Yesu bungumoya wobuprofitesho.
11NDAZA ndabona izulu livulekile; kekaloku bona ke, ihashe elimhlope, nalowo uhleli pezu kwalo, ebizwa ngobunene nangobunyaniso, oti agwebe enze imfazwe ebulungiseni. 12Aye amehlo ake enjengelangatye lomlilo, napezu kwentloko yake bekuko ikrone ezininzi; ebenegama liba̔liwe, ekungeko namnye olaziyo, kupela nguye ngokwake. 13Waye eyambete ingubo isindiwe ngegazi; negama lake libizwa ngokuti lilizwi likatixo. 14Kanjalo imikosi yasezulwini ibimlandela ipezu kwamahashe amhlope, bevete iqiya eshiceneyo, emhlope, emsulwa. 15Nakuwo umlomo wake kupuma iṙele elibukali, ukuze ati ngalo azibete intlanga: enguye oya kuzipata ngentonga yesincete: enguye osixovula isincinezelo seveyine sayo iveyine yomsindo neyoqumbo lukatixo usomandla. 16Kanjalo unalo pezu kwengubo yake napezu kwetanga lake igama lake liba̔liwe lokuti: Ukumkani kakumkani nenkosi kankosi.
17Ndaza ndabona ingelosi etile imi elangeni; yaza yadanduluka ngelizwi elikulu, isitsho kuzo zonke intaka ezibalekayo ngamapiko pakati kwezulu ukuti: Yizani nizihlanganisele esidlweni sotixo omkulu; 18ukuze niyidle inyama yokumkani, nenyama yenkosiwaka, nenyama yamaṙoti, nenyama yamahashe neyabo bahleli pezu kwawo, nenyama yabo bonke, abakululekileyo namakonza, nabancinane nabakulu.
19Ndaza ndabona ir̔amnco elo, nokumkani bomhlaba, nemikosi yabo ihlanganisene ukwenza imfazwe ngakuye lowo uhleli pezu kwehashe, nangakuwo umkosi wake. 20Kwaza kwabanjwa ir̔amnco elo, nomprofite obuxoki ndawonye nalo, lowo owenza imiqondiso ebusweni balo, abete ngayo wabakohlisa abo balwamkelayo upa̔u lwer̔amnco, nabo bawubedeshayo umfanekiso walo. Aba bobabini baposwa bepilile ecibini lomlilo elivutayo ngesufure. 21Nabo abaseleyo babulawa ngalo iṙele lalowo uhleli pezu kwehashe, eloṙele lipumayo emlonyeni wake: zaza intaka zonke zadikwa yinyama yabo.
