U‐Zekariya 7

₁KWAYE kute ngowesine umnyaka ka‐Dariyusi ukumkani, ilizwi likayehova leza ku‐Zekariya ngowesine umhla wenyanga yesitoba, ngeyo Kisilevu; ₂nxa i‐Betele yatumayo u‐Sharetsere, no‐Regeme‐meleke namadoda ake, ukumbongoza uyehova, ₃nokuteta kubaperisite abebesendlwini kayehova wemikosi, nakubaprofite, ngokuti: Ndiya kulila kweyesihlanu inyanga na, ndizahlula njengokuba ndenje njalo leminyaka mininzi kangaka?

₄Landula ilizwi likayehova wemikosi leza kum, lisiti: ₅Teta kubo bonke abantu belizwe, nakubo abaperisite, usiti: Xeshekweni benikwenza inzilo nokulila kweyesihlanu nakweyesixe̔nxe inyanga, kwa lominyaka ingamashumi asixe̔nxe, naka nandizilela mna na? ₆Naxeshekweni benisidla, naxeshekweni benisela, beningenini abadlayo na, beningenini abaselayo na? ₇Lamazwi asi ngawo na owawashumayelayo uyehova ngabaprofite bapambili, okuya i‐Yerusaleme ibimiwa, nokuya ibinokwonwaba, nezixeko zayo eziyingqongayo, kwakumiwa isuyide netafa?

₈Leza ilizwi likayehova ku‐Zekariya kanjako, lisiti: ₉Wabesitsho uyehova wemikosi ukuti:

Gwebani ngokugweba okuyinyaniso, nenze ngobubele nangenceba omnye kwomnye; ₁₀ningabandezeli umhlolokazi nenkedama, owasemzini nolihlwempu; ningaqingelani ububi entliziyweni yenu. ₁₁Bati kodwa bala ukupulapula, bapepisa igxalaba; nendlebe zabo bazenza nzima, ukuba bangeva. ₁₂Nentliziyo yabo bayenza njengedamante, ukuba bangeva umteto, namazwi owawatumayo uyehova ngomoya wake, ngabo abaprofite bapambili; kwaza kwabako umsindo omkulu uvela kuyehova wemikosi. ₁₃Kwabekute ngoko, njengokuba ebebizile yena, bengevanga bona, kwa njalo babiza bona, ndingevanga mna, utsho uyehova wemikosi; ₁₄kodwa ndabaci̔ta ngesaqwiti pakati kwazo zonke izizwe abebengazazi; laza ilizwe laba bugxwayiba emva kwabo, kungeko owadlulayo nowabuyayo: ngokuba bebelenze ilizwe elinqwenelekileyo libe bugxwayiba.