IINDUMISO 11

₁Ndizímela ngoYehova;

Ningáthini na ukuthi kumphefumlo wam,

Balekela entabeni yakho njengentaka?

₂Ngokuba nâbó abangendawo begoba isaphetha,

Bezilungisile iintolo zabo entanjeni,

Ukuba batole besithele kwabantliziyo zithe tye.

₃Xa iziseko zithe zagungxulwa,

Ilungisa linokuthini na?

₄UYehova, ulotempile yakhe iyingcwele,

UYehova, ulotrone yakhe isemazulwini,

Amehlo akhe ayababona, iinkophe zakhe ziyabacikida oonyana babantu.

₅UYehova uyalicikida ilungisa;

Ke yena ongendawo nothanda ukugonyamela, úmthiyile umphefumlo wakhe.

₆Úya kubanisela abangendawo imigibe;

Umlilo, nesulfure, nomoya olulophu, yindebe yabo abayabelweyo;

₇Ngokuba lilungisa uYehova; uthanda imisebenzi yobulungisa;

Othe tye uya kububona ubuso bakhe.