IINDUMISO 113

₁Haleluya!

Dumisani, bakhonzi bakaYehova,

Dumisani igama likaYehova.

₂Malibongwe igama likaYehova,

Kususela ngokunje, kude kuse ephakadeni.

₃Kwasekuphumeni kwelanga kuse ekutshoneni kwalo,

Malidunyiswe igama likaYehova.

₄Uphakamile ngaphezu kweentlanga zonke uYehova,

Bungaphezulu kwamazulu ubuqaqawuli bakhe.

₅Ngubani na onjengoYehova, uThixo wethu?

Ulohlala phezulu;

₆Uloqondela phantsi,

Ezulwini nasemhlabeni?

₇Ulomvusa eluthulini osweleyo,

Ulomphakamisa ezaleni olihlwempu,

₈Ukuba amhlalise namanene,

Amanene abantu bakhe;

₉Ulohlalisa endlwini umfazi ongazaliyo,

Abe ngunobantwana ovuyayo. Haleluya!