Tlhahisoleseding e Nngwe

IINDUMISO 121

Ingoma yezinyuko.

₁Ndíwaphakamisele ezintabeni na amehlo am?

Luya kuvela phi na uncedo lwam?

₂Uncedo lwam luvela kuYehova,

UMenzi wezulu nehlabathi.

₃Akayi kukha alunikele unyawo lwakho ekutyibilikeni;

Akayi kukha ozele umgcini wakho.

₄Ùyabona, akozeli, akalali,

UMgcini kaSirayeli.

₅NguYehova umgcini wakho,

NguYehova umthunzi wakho ekunene kwakho.

₆Emini ilanga aliyi kukwenzakalisa,

Nenyanga ebusuku.

₇UYehova uya kukugcina ebubini bonke,

Uya kuwugcina umphefumlo wakho.

₈UYehova uya kukugcina ukuphuma kwakho nokungena kwakho,

Kususela ngoku kude kuse ephakadeni.