IINDUMISO 123

₁Ulohlala emazulwini,

Ndiwaphakamisela kuwe amehlo am.

₂Uyabona, njengokuba amehlo abakhonzi

Emi kwisandla seenkosi zabo;

Njengokuba amehlo omkhonzazana

Emi kwisandla senkosikazi yakhe:

Ngokunjalo amehlo ethu akuYehova, uThixo wethu,

Ade asibabale.

₃Síbabale, Yehova, sibabale,

Ngokuba sànele kakhulu kukudelwa.

₄Umphefumlo wethu wanele kakhulu

Kukugculela kwabangakhathalele bani,

Nokudela kwabanekratshi.