IINDUMISO 127

₁Ukuba akayakhi uYehova indlu,

Bafumana besaphuka yiyo abakhi bayo.

Ukuba umzi akawugcini uYehova,

Ufumana ephaphama owugcinayo.

₂Nifumana nivuka kusasa,

Nihlale nisebenza kude kube sebusuku,

Nikudla ukudla kokubulaleka;

Uyipha intánda yakhe, ilele ubuthongo.

₃Uyabona, ilifa likaYehova ngoonyana,

Umvuzo sisiqhamo sesizalo.

₄Njengeentolo esandleni segorha,

Banjalo oonyana bobutsha.

₅Hayi, uyolo lomfo ozalise umphongolo wakhe ngabo!

Abayi kudana,

Xa bathetha neentshaba esangweni.