IINDUMISO 129

₁Kukaninzi bendibandezela kwasebuncinaneni bam,

Makatsho uSirayeli;

₂Kukaninzi bendibandezela kwasebuncinaneni bam:

Ababanga nakundithini noko.

₃Abalimi balima emhlana kum,

Bayolula indima yabo.

₄UYehova ulilungisa,

Uzinqumle izintya zabangendawo.

₅Mabadane babuye umva

Bonke abayithiyayo iZiyon.

₆Mababe njengengca ephuma phezu kwezindlu,

Eyomayo ingekahlumi,

₇Engekasizalisi nesandla sakhe umvuni,

Engekalizalisi nesondo lengubo yakhe umbophi wezithungu;

₈Bengekathi nabadlulayo,

Intsikelelo kaYehova mayibe kuni;

Sìyanisikelela egameni likaYehova.